Popular Bible Verses from Nehemías 9

Share

Upéi katu ore ru kuéra ypykue oñemoha'entese, ha ndojapói ne rembiapoukapy he'íva. Ndoikuaaséi mba'eve hikuái, ha hesarái opa mba'e rejapo vaekuégui hese kuéra. Ojejapógui, omoĩ hikuái peteĩ ogueraha jey vaerã chupe kuéra Egíptope oiko haguã tembiguái ramo. Nde katu Tupã reñembyesarái opa mba'égui. Ne mborayhu tuichágui hasýpe nde pochýva. Reiporiahurerekógui chupe kuéra, nderehejái chupe kuéra año pe rupi rei.

Nde ore Jára, ne ñoite hína Tupã. Yvága ha mbyja kuéra ne rembiapokue, yvy ha opa mba'e hi'ári oĩva, umi y ha opa mba'e ipypegua. Nde rupi opa mba'e oikove, upévare mbyja kuéra ne momba'e guasu.

Reiporiahurerekógui chupe kuéra, nderehejái chupe kuéra yvy ojeiko'ỹháme ha'eño rei. Ndereipe'ái henonderãgui, arai térã tata rendy ohechaukáva chupe kuéra haperã. Ne mba'e porãgui, reheko mbo'e chupe kuéra, manáme*f** remongaru chupe kuéra, ha ijyuhéivo katu remboy'u. Yvy ojeiko'ỹha rupi oiko aja 40 áño pukukue, nde reme'ẽ chupe kuéra opa mba'e. Ijao kuéra ndaitujái, ha avave ndaipy rurúi.