Popular Bible Verses from Jeremías 8

Share

Ndaipóri chéne piko pohã Galaádpe? Ndaipóri chéne piko upépe pohãnohára? Mba'ére piko ndaikatúi okuera che retãgua?

“Nde, Jeremías, ere tetã guápe ko ha'ekáva chupe kuéra: ‘Pe máva ho'a ramo opu'ã, ojavy ramo hape, ojevy hape vaígui.

Tujuju jepe yvágare ovevéva oikuaa araka'épa ou jeýta. Pykasu, mbyju'i ha hoko oikuaa araka'épa ambue hendápe ohóta. Nde katu, che retãgua, ndereikuaái che rembiapoukapy.

Ajapysaka porã kuri ha nahendúi avaveichagua ombyasýva hembiapo vaikue ha he'íva añetehápe: Mba'e piko pe ajapóva? Opavave uvei oho pya'e hapére, kavaju juru atãicha ñorãirõháme.

Umi iñarandúva katu itĩndy opytávo, okyhyje tymbáicha ñuhãme ho'árõ guáicha. Mamo piko oime iñarandukue, ko omboyke vaekue che ñe'ẽ?