Popular Bible Verses from Jeremías 3

Share

Ame'ẽta peẽme pene sãmbyhyharã che arohorýva. Ha'e kuéra pene sãmbyhýta mba'e kuaa ha arandúpe.

Peju jey che ndive, tekove jeroviaha'ỹ, ha che amongueráta pende reko jeroviaha'ỹ.” “Ápe roime, roju ne rendápe, ndégui Tupã ore Jára.

Tereho yvate gotyo ha emyerakuã ko ñe'ẽ: ‘Ñandejára he'i: Eju jey che ndive, Israel jeroviaha'ỹ! Ndahechauka mo'ãi ndéve tova puku ha nda che pochy aréigui, ha che py'a porãgui. Che, opa mba'e Jára, upéicha ha'e.

Aipotánte rehecha kuaa ne rembiapo vai hague, ha repu'ã hague Tupã nde Jára rehe. Reiko hague opa rupi mborayhu mombyrygua rekávo, opa yvyra guasu guýpe ha nerehendúi hague che ñe'ẽ. Che, opa mba'e Jára, upéicha ha'e.’” Ñandejára he'i: “Peju jey, tekove jeroviaha'ỹ, che hína pende Jára. Opa távagui peteĩme ha opa ógagui mokõime poguerúta Siónpe.