Popular Bible Verses from Jeremías 17

Share

Ha ovy'aiténepa upe kuimba'e che rehe ojeroviáva, ojekóva che rehe! Ha'éta yvyráicha ysyry rembe'ýpe oñeñotỹva, hapo ysyry gotyo ojepyso, ha ndokyhyjéi ára hakúgui, hakã heta etereígui. Ndokyvéi are ramo ndojepy'apýi, hi'a'ỹre ndoikóiva araka'eve.

Ndaipóri avave ijapúva ha iñañáva yvypóraicha ipy'a pýpe. Máva piko ikatúta oikuaa chupe?

Che, opa mba'e Jára, aipyguaráva pe máva py'apy ha aikuaa pe máva remiandu. Ame'ẽva peteĩ-teĩme hembiapokue ojerureháicha.”

Ñandejára he'i: “Tojeharu pe ojeíva che hegui ipy'apýpe, ojeroviáva yvypóra kuérare ha hese kuéra ojekóva. Ha'éta javoráicha yvy ojeiko'ỹháme, hese avave oñangareko'ỹva. Ita pa'ũme okakuaáva, ha jukyty avave oiko'ỹha rupi.

Che monguerána che Jára, ha akueráta. Che pe'ána jejopy vaígui, ha asẽta ivaívagui. Che niko ndéve ñoiténte romomba'e guasu.