Popular Bible Verses from Isaías 9

Share

Itúva ypykue David guapyhápe oguapýta; opa rupi oipysóta ipokatu ha py'a guapy ndopa mo'ãi, hetã imbaretéta, teko joja ha hekopeguáta ipyenda, águive opa árape guarã. Ã mba'e ojapóta Ñandejára ipu'akapáva mborayhu.

Remongakuaa tory, ha heta ojevy'a. Opavave ovy'a ne renondépe, kóga ñemono'õme ramo guáicha, ovy'aháicha umi oñomboja'óva opa mba'e ñorãirõme guarére.

Ñandejára omondo iñe'ẽ Israélpe, oñe'ẽ Jacob retã guápe

Ou haguére ñandéve mitãmi, mitã ra'y oñeme'ẽ ñandéve. Chupe oñeme'ẽta pu'aka oisãmbyhy haguã. Ha oñembohérata ha'e: “Mbo'ehára imombe'upyrã”, “Tupã imbaretéva”, “Túva opa ára oikovéva”, “Mburuvicha guasu, py'a guapy reruha”.

Tetãgua oikóva pytũmbýpe, ohecha peteĩ mba'e rendy tuicháva; umi pytũmbýpe oikóva ári, ohesape upe mba'e rendy.

Mba'e pohýi ijati'ýre oĩva, mba'e pohýi ijapére oguapýva, inupãhára po pegua yvyra, remyangu'ipa, Madiánpe ramo guaréicha.

Ipy rehegua ombohyapu vaekue ñorãirõhára, ha ijao kuéra tuguýpe ojehypýiva, ojehapýta ha tatápe ikusuguéta.