Popular Bible Verses from Isaías 65

Share

Che renói mboyve hikuái, aporandútama mba'épa oipota, he'ipa mboyve ahendútama chupe kuéra.

“Péina ajapóta yvága pyahu ha yvy pyahu. Yma guare opytáta tesaráipe, avave naimandu'a mo'ãi hese.

Nomba'apo rei mo'ãi, ndaipóri mo'ãi iñemoñare omanóva hi'arape'ỹ, ha'e kuéragui Ñandejára ohovasa vaekue ñemoñare, ha upéichata avei iñemoñare.

Ndaipóri mo'ãi peteĩ ojogapóva ha ambue pype oikóva, térã peteĩ oñemitỹva ha ambue chugui ho'úva. Ka'aguýicha che retãgua oikove pukúta, che rembiporavo ovy'áta okarúvo hembiapokuégui.

Upépe ndaipóri mo'ãi mitã omano voíva, térã avave oikove puku'ỹva. 100 áñope omanóva rehe oje'éta omano hague imitãme, ha nombotýivare 100 áño, oje'éta ojeharuha.

Aguara guasu ha ovecha ra'y okarúta oñondive, león ha guéi ho'úta kapi'i, ha mbói ho'úta yvy.” Che yvyty marangatu jerekuévo ndaipóri mo'ãi mba'e vai ojapóva.” Ñandejára he'i upéicha.

Che voi avy'áta Jerusalén rehe, ha che py'a rorýta che retã guáre. Pype ndaipóri mo'ã véima tasẽ térã sapukái vy'a'ỹgui.