Popular Bible Verses from Isaías 30

Share

Ha pepia ramo pende akatúa térã pende asu gotyo, pehendúta peteĩ ñe'ẽ pende rapykuéri he'ítava peẽme: “Kóva hína pe tape, tapeho ko'a rupi.”

Ñandejára pene ra'arõ pende poriahurereko jey haguã; hi'ã itéma chupe ohechauka peẽme imborayhu, Ñandejára niko Tupã heko jojáva. Ovy'aitéta umi hese ojeroviáva.

Ñandejára, Tupã imarangatúva Israelgua, he'i: “Peju jeýke, pepyta py'a guapýpe ha ho'a porãta peẽme. Pende py'a guapy ha pejerovia ramo pene mbaretéta.” Peẽ katu ndapeikuaaséi vaekue mba'eve

Ha Ñandejára ome'ẽ ramo jepe peẽme jehasa asy rehegua mbuja ha ñembyasy rehegua y, ha'e hína pene mbo'ehára ha nokañy mo'ã véima pende hegui. Pende resa teépe pehecháta chupe.

Peẽ, Siongua peikóva Jerusalénpe, ndapejahe'o mo'ã véima. Ñandejára pende poriahurerekóta ohendu vove pesapukái chupe pejerurévo pytyvõ, ha pene rendu vovénte oporandúta peẽme mba'épa peipota.

Ñandejára he'i: “Cháke umi ñemoñare heko pu'ãva, imba'e aposéva, chéve oporandu'ỹre, ha ojaposéva che nda'éiva chupe kuéra, ha péicha iñangaipa ombojo'a!