Popular Bible Verses from Isaías 11

Share

Ñandejára espíritu hi'ári opytáta, arandu ha akã porã espíritu, ñemoñe'ẽ kuaa ha mbarete espíritu, mba'e kuaa ha Ñandejára mbyaje espíritu. Opa mba'épe iñe'ẽ rendúta Ñandejárape, oporombojovake ramo, vaicha rehénte noma'ẽ mo'ãi, ha pe oje'enteva nohendu mo'ãi.

Jesé rapógui osẽta hoky pyahu, upégui heñóita.

Ombojovakérõ ikangývape, teko joja oiporúta, ha imboriahúvape hekópe omohendáta. Imbaretesévape, oinupãta iñe'ẽme tukumbópe ramo guáicha, ha pe iñañávape ipytúpe ojukáta.

Teko jojáta iku'a jokuaha, ha teko jeroviaha humby ñuãha.

Ndaipóri mo'ãi ñembyai térã sarambikue che yvyty marangatúpe, henyhẽtagui pe tetã Ñandejárape oikuaávagui, y omyenyhẽháicha yguasu.

Aguara guasu ovecha ra'y ndive oikóta, jaguarete ha kavara ra'y ojoykére oñenóta, vaka ra'y ha león okarúta oñondive, ha mitã'íta herekua.

Upe árape Jesé rapo, mba'e rechaukaha ramo opu'ãta tetã nguérape guarã. Tetã nguéra ohekáta upéva, ha omimbipáta hekoha.