Popular Bible Verses from Tchikyꞌbꞌin 9

Share

Me ayetzin txqantl xjal, ayeꞌ mix i kyime kyuꞌnjo yajbꞌil lo, mix ajtze tiꞌj kyanmin, tuꞌn tkyij kytzaqpiꞌn tkyaqiljo nbꞌanttaq kyuꞌn, a kꞌulbꞌil kywutzjo taqꞌnil tajaw il, ex kywutzjo twutzbꞌiyil bꞌinchin tuꞌn qꞌanpwaq ex saqpwaq, ex kxbꞌil, ex abꞌj, ex tze, a aye mibꞌin chi kaꞌyin, mibꞌin chi bꞌin, ex mibꞌin chi bꞌet. Ex mix kyij kytzaqpiꞌn tuꞌn kybꞌiyin, ex tuꞌn kytyuẍin, ex tuꞌn kykyꞌaꞌjin, ex tuꞌn kyelqꞌin.

Ex tojjo sibꞌ, i etz txanin nchi lipin twutz txꞌotxꞌ. Ex ayetziꞌn txanin xi qꞌoꞌn kyoklin, tuꞌn kytxꞌaꞌn tzeꞌnqeku sichil iteꞌ twutz txꞌotxꞌ. Ex xi qꞌmaꞌn kye, tuꞌn mi txi kywaꞌn kꞌul twutz txꞌotxꞌ, exsin jniꞌ txaq tze, mixpe a txaq txꞌiꞌx, qalaꞌ noq tuꞌn kykyꞌixbꞌajtzxjal kyuꞌn, ayeꞌ a ntiꞌ kyechil tok tiꞌj kyplaj, qa te Diosqe.

Atzin tjweꞌyin angel xi toqꞌsin tchun, ex xi nkaꞌyiꞌn jun tzeꞌnku jun cheꞌw otaq tzaj tzꞌaq toj kyaꞌj, tuꞌn tkupin twutz txꞌotxꞌ. Xi qꞌoꞌn tal ja te, tuꞌn tjqetjo kynajbꞌil kyimnin aj ilqe, a jul te kawbꞌil, a nimxix t-xe.

Mi xi qꞌoꞌn ambꞌil kye, tuꞌn tkubꞌ kybꞌyoꞌn xjal, qalaꞌ noq tuꞌn kykyꞌixbꞌajtz toj jweꞌ xjaw, quꞌn ajo tkyixkꞌojil ikyxjo tzeꞌnku tuꞌn tbꞌaj jun xjal tuꞌn jun sichil.

Ex ayetziꞌn txanin attaq jun kynejil, a taqꞌnil tajaw il tibꞌaj jul te kawbꞌil: Abadón tbꞌi toj kyyol aj Judiy, ex toj kyyol aj Griego, Apolión, a Yuchꞌil n-ele toj qyol.