Popular Bible Verses from Tchikyꞌbꞌin 6

Share

Xi nkaꞌyiꞌn jun chej qꞌan kaꞌyin. Ex atzin nchejin tibꞌaj, Kyimin tbꞌi, ex tiꞌjxi lipchetztaq tajaw kynajbꞌil kyimnin. Ex xi qꞌoꞌn kyoklin tibꞌaj tkyajin tnej xjal twutz txꞌotxꞌ, tuꞌn kykubꞌ bꞌyoꞌn toj qꞌoj, tuꞌn waꞌyaj, tuꞌn yabꞌil ex kyuꞌn txuk toj kꞌul.

Ex xi nkaꞌyiꞌn jun chej sjanin. Ex atzin nchejin tibꞌaj qꞌintaq jun smaꞌj te joybꞌil qꞌoj toj tqꞌobꞌ, ex xi qꞌoꞌn jun toj twiꞌ tiꞌjjo toklin, ex bꞌeꞌx xiꞌ, tuꞌn tkanbꞌin kyiꞌj txqantl, tukꞌa nim tipin.

Tej tjaw tlaqin tal Tal rit tjweꞌyin jupbꞌilte, nliy tjaqꞌ t-altar qMan toj kyaꞌj aye kyanminjo a otaq chi kubꞌ bꞌyoꞌn noq tuꞌn tpajjo Tbꞌanil Tqanil tiꞌj Dios, ex noq tuꞌn kyyekꞌin kywutzxjal Tyol Dios toj kychwinqil.

Ex nkyqꞌmaꞌntaq tukꞌa tqꞌajqꞌojil kywiꞌ kujxix wen: Ay qAjaw, a xjanxix ex twutzxix, ¿Jtojtzin kawiꞌn kyibꞌajjo najleqe twutz txꞌotxꞌ, tuꞌn t-xeliꞌn qkyimliꞌn? Ex xi qꞌoꞌn xbꞌalin sjanin teyile junjun, ex xi qꞌmaꞌn kye, tuꞌn kyajlan jun jteꞌbꞌin qꞌij, tzmaxi aj ttzqet tajaljo kyerman, aye qa iltaq tiꞌj tuꞌn kykyim tuꞌn tpaj taqꞌin Crist, tzeꞌnku kye.

Ex bꞌeꞌx etz juntl chej, kyaq kaꞌyin. Ex atzin nchejin tibꞌaj xi qꞌoꞌn jun kxbꞌil tzeꞌnku machet te bꞌiꞌybꞌil, ex xi qꞌoꞌn toklin, tuꞌn tel tiꞌn kymujbꞌil kyibꞌxjal kyxolx, tuꞌntzintla tkubꞌ kybꞌyoꞌnxjal kyibꞌ, jun tukꞌa juntl.

Quꞌn ma kanin jaꞌlin tqꞌijiljo kujxix kawbꞌil qibꞌaja. ¿Ankye aku tzikyꞌx tuꞌn?

Xi nkaꞌyiꞌn, tej tjaw tlaqin tal Tal rit tqaqin jupbꞌilte, ex bꞌeꞌx tzaj jun nim kyaqnajnabꞌ. Ex atzin qꞌij bꞌeꞌx kubꞌ qꞌaqix tzeꞌnku tsmal chiv; ex atzin yaye bꞌeꞌx kubꞌ chikyꞌix. Ex ayetzin cheꞌw toj kyaꞌj, bꞌeꞌx i tzaj tzꞌaq twutz txꞌotxꞌ, tzeꞌnku nchi kubꞌ tzꞌaqjo tal lobꞌj iw, aj t-xi yekj tqan tuꞌn nim kyqꞌiqꞌ.

Tej tjaw tlaqin tal Tal rit toxin jupbꞌilte, nbꞌiy toxin ajbꞌil ntqꞌmaꞌn: Ku tzajach. Xi nkaꞌyiꞌn jun chej qꞌaq kaꞌyin. Ex atzin nchejin tibꞌaj qꞌintaq jun malbꞌil toj tqꞌobꞌ. Ex kyxoljo kyaje ajbꞌil tiꞌjile qꞌuqbꞌil, nbꞌiy jun tqꞌajqꞌojil yol ntqꞌmaꞌn: Manyor wiꞌyil tkyaqil kywaꞌy jaꞌlin. Quꞌn jun tal malbꞌil triy, mo oxe tal malbꞌil nmaq triy, te twiꞌ kykꞌuꞌja te jun qꞌij. Ex mi kubꞌ kyyajinjiꞌy aseyt exsin vin.

Ex atzin kyaꞌj bꞌeꞌx el naj, tzeꞌnku jun uꞌj njaw tbꞌaltzꞌin tibꞌ. Ex kykyaqiljo wutz ex jniꞌ txꞌotxꞌ toj ttxuyil aꞌ, bꞌeꞌx i txꞌixpaj jaꞌ iteꞌku. Ex ayetzin nmaq kawil twutz txꞌotxꞌ, ex aye nim kyoklin, junx kyukꞌa nejinel kyxol xoꞌl qꞌaqꞌ, exqetziꞌn qꞌinin, exqetziꞌn at kyipin, junx kyukꞌa tkyaqil aqꞌnil ex jniꞌ kyajaw aqꞌuntl, bꞌeꞌx i okx ewin toj jul ex toj piky toj kꞌul.