Popular Bible Verses from Doma 6

Share

Icsambuen naic tabadec uënësacsho Nuquin Papan ënenquio icquin cuidacno nësecaindac. Padnuen Nuquin Icbo Esuquidistubëd abentsëc yacbimbuec tabadquid icsho Nuquin Papan ënenquiocquin abëdi tabadmendac.

Nuquin Papan: Naden nata, quequin chuiquin Moises dada uamiampidtedi tantiaquin nabanondaidi mibitedishun aidën chiacpadombuen natiapimbocquin abi tantiasho Nuquin Papan bëdambuen isendac. Aden bëdambuen isquin tantiac icsambuen naic tabadte bunenquio mibitedi yanendac.

Aden acten mentoaido yec Esuquidistubëd uënësacsho chococacbimbuecquido nuquitedi nec. Adecbidi aidbëd uincuenacbimbuec ma Esuquidistubëd tabadnu, queshun utsiacbimbuecnuc icmiaido nuquitedi nec. Aden Nuquin Papa nadatiambocquid icquin Esuquidistu bëdamboshëcquid icmequin uincuenmepanëdash.

Icsambuen nabanec tabadec uënësacbimbuec nuquitedi icpondac. Adquid icbuedëmbi uincuenacbimbuen Nuquin Papa tantiabenshun icsambuen naic tabadenquio icquin aid bunacpadombuen naic bëdambuec tabadnuna.

Ënden icsambuen naquido nuquitedi iccondac. Adquid icsho Esuquidistubëta cueste napotiaidën dectanacbimbuecquido nebi, quequin nuquitedi tantiec. Aden dectanquin nuquitedi icsambuen naidbëta icsambuen tantiaidtedi nibëdanmepanëdash. Adquid yec nëbi nuquitedi icsambo icmianquidën iua ictiapimpo iquec.

Adembidi icsambuen naquido icbuedi uënësacbimbuecquid nebi, quequin mibitedishun tantiata. Adbuedi nëbi mibitedi Nuquin Papa bëdambo icmenuec Esuquidistubëd abentsëc yacbimbuec tabadec.

¿Atotsimbi utsi chuipe? Adembi Icsambuen nabanembi. Mabi Nuquin Papan uditsëc bëdambuen isnu ¿queshoda nuqui bëdambuen ispec? Padenquio. Nuquitedi uënësacbimbuen padpiden icsambuen nate bunenquio iquec. Adquid icquin ¿icsambuen naiduidi naicta nuqui tabadpe?

Mibitedishun naden tantiec: Icbon chiacpadombuen iuan nabanquid nec. Adquid icnuc ambi tantiacpadombuen icsambuen nabanec tabadec uënësacsho ënenquio icquin cuidacno nësecaindac. Padnuen ambi chiacpadombuen naic tabadsho Nuquin Papan icsaisabimbuenuc bëdambuen isaid mibi iquendac.

Ënden mimbi icsambuen naid ëntiapimbo yec mibitedi tabadpondac. Adec tabadsho Esus abided cuidadaid chuibanac: Abimbo caic, queshun tantiabenash aidën chiacpadec mibitedi bëdambuec tabadcuenondac. Aden namec mibi bëdambo iquec, quequin Nuquin Papa chiombi. Nëbi mimbi icsambuen naid ënshun Nuquin Papa tantiabenash aidën chiacpadombuen utsibo bëdambuen nashunec mibitedi bëdambuec tabadcuenondac.