Popular Bible Verses from Esusën Uan ismiaid 1

Share

Adshumbic Nuquin Papa nadatiambocquidën naden chuiposhi: Ëndenquimboshë icpampid iquequi nibëdantiapimbocquid nebi. Nidaid uabi yec icpampid yequi nëbi abi icquid iquequi choendabi, queposh Nuquin Papa nadatiambocquidquio.

Nëbi adquid iquec abi iquebi. Adquid iquequi uënëspobi. Adbuedi nëbi uincuenash uënëstiapimbo icquid nebi. Adquid yec uënëstequidën Icbombo nebi, queposh.

Nëid dada uaid isquin Esus tantiaquido chuibanquido Nuquin Papan bëdambo icmendac. Aidën chuibanac tantiaquidotsen: Ambi chiacpadombuen Nuquin Papan: Aden naindambi, quequin chiaid nëbi nanushe. Nëidën chiacpadombuen nanuna, quequid Nuquin Papan bëdambo icmendac.

Adec dacuëdampambuecsho istanequini aton tayumbi uënësacbimbuec uebudpaccoc. Adshobini aton mëdante abiucshun camishquin naden chuiposhi: Dacuëdenda. Ëndenquimboshë nidaid uabi yec icpampidi nebi. Adquid iquec nibëdantiapimbo icquidquio nebi.

Esuquidistu abu ushu yacno choendac. Adec chosho matses abitedishunquio isendac. Aden cun matsesën ambi mëyanquin uënës uameshun ambi podo ansebuedquio Esus chosho isendac. Padtemboshë, ashibi cuidpec, quetanec abi cuidte tantiec dacuëdec natiaquiec shubiendac. Esus tantiesabo utsibotsen adecbidi abi cuidte tantiec natiaquiec sedenquec shubiquiendac. Adtequidquio iquendac. Amen.