Popular Bible Verses from Pidipos 3

Share

Adec bëdamboshë icquid yanabi icquin: Umbi nabambuedtedi tantienquio yec bëshunash: Bëdambocquid nebi, quenquio icquin ambi chiacpadombuenuidi nate bunebi, quequin chiec nebi. Abia choquid bëdamboshëcquid menete iquec, quequin chiac aiduidtsëqui tantiec titinquiacbimbuen Esuquidistu tantiaquin aidën chiacpadec bëdambo icte bunebi. Esuquidistu uidtsëqui tantiec uënësacsho Nuquin Papan bëdamboshëcquid menequin abi yacno ubi tabadmec, quiash bëdambo icte bunquiebi.

Aden tantiabenshun Esuquidistu tantiate bunquiebi. Nadatiambocquid icquin Nuquin Papan uincuenmiac nadatiambocquidbidi icquin Esusën bëdambuen tabadmetsiashi, quec Esus tantiate bunquiebi. Nuquin Papan chiacpadombuen nasho natiamequin mëyanac Esus uënëspanëdash. Adombuembidi Nuquin Papan namiacpadombuen nasho mëyanquin cuessunniac bëdambo ictsiabi. Adshun uënësaido uincuenmete uëshë cainec bëdambo iquebi, quequin tantiembi.

Nëbi Cun Icbombo Esuquidistu tantiec bëdambo iquebi, quequin tantiembi. Aiduidtsëqui tantiate bunquin icsa sandoshon secacbimbuen umbi tantiacpadombuen nabanaidtedi ënondambi.

Aden nabanquid icquin: Umbi tantiacpadombuen naic bëdamboshë iquebi, quequin icsambuen tantiapondambi. Adondaidi nëbi Esuquidistu tantiabenshun: Umbi tantiacpaden naiquini icsambo icchitoc, quequin tantiabempondambi.