Popular Bible Verses from Madcos 10

Share

Adecbidi Matsesën Tishaid icsho ma ubi matsesën nashunnu, quecpenquio chondabi. Adenquio icquin matses tantiaquin Nuquin Papa icsambuen naquidobi cuidmenquio icnuec ubided cuidadec uënësendabi, quepanëdash Esus.

Adoaquien aido bëisec Esus nadpanëdash: Matsesën natiapimbo ictequid icnuc Nuquin Papain namianquidquio nec. Ambi natiapimbo ictequid nibëdec, quepanëdash.

Adoaquien Esusën: Aidën ubi bëdanmetsiash, quequin mimbi tantiacpadquiequi mibi bëdanoque. Nidec nid, Esus quenubi badedquio bëdanquin bëshuacbuedëmbi isbenuapanëdash. Adec bëdanshun Esus nidsho issun tsibanampanëdash.

Aden Nuquin Papan dada aton chido bedmequin daëd uaid yec ma cuëshëdec niannanenquio icpanuna, quepanëdash Esus.

Aden chuisho tantiashun bëisquin: Aid tantiembi, quequin ambibi tantiec Esus nadpanëdash: Utsi mimbi padabi iqueque. Tantia. Chuinu. Mimbi dayun uaidtedi uesquin menequin piucquid bedta. Aden bedshumbic piucquid nibëdquido mitsana uesquin menebanta. Adosho issun abuc abëd tabadmenun Nuquin Papan mibi bëdamboshëcquid menetsiash. Adota. Adotanec ubëd iquec cho, capanëdash Esusën.

Adec chosho issun: ¿Atotsimbi mibi nashune? capanëdash Esusën. Adoaquien bëshuaidën: Iste bunebique, Cun ëshë bëdanme, Icbo, capanëdash.

Ubi tantiaquido icquin mimbi adoenquio ictsiac. Utsibo namete bunquin aido tantiaquin nashunta.

Abimbo chiembique. Tantia. Nëid bacuën amë badedquio tantiacpadombuen Nuquin Papan Chiaid tantiesa yec Nuquin Papan namiacno puduedtiapimbo iquendac, quepanëdash Esus.

Aden chiashic: Nidaidënuësh chuiquid tapa icbuedi Nuquin Papa yacnouësh utsi utsiec chuiquidpenquio iquendac. Adecbidi utsi utsiec nidaidënuësh chuiquidpenquio icbuedi Nuquin Papa yacnouësh chuiquid tapa iquendac, quepanëdash Esus.

Tauaquin Nuquin Papan dadabëta chido uapampic. Adoampid icnuc dadan aton papabëta aton tita nianquin aton chido bedash aidbëd bëdambuec tabadec. Aden aton chido bedash iquequi matses abentsëc icbuedi aidbëd daëdash abentsëc yacbimbuec iquec.