Popular Bible Verses from Ducas 6

Share

Atona nibëdquid bëdambuen tantiaquin meneta. Adembidi mibi tantiaquin Nuquin Papan mitsana icmendac. Utsi tantiaquin mimbi meniacpadombuembidi mibi tantiaquin mitsana daëd uashun Nuquin Papan mibitedi meneuaindac, quepanëdash Esus.

Adembidi aton tantiaten bëdambuen tantiaquidën ambi tantiacpadombuen utsi bëdambuen tantiaquin nashumbanendac. Adecbidi ambi tantiacpadec bëdambuec onquec. Adembidi aton tantiaten icsambuen tantiaquidën ambi tantiacpadombuen utsi icsambuen tantiaquin nabanec. Adecbidi ambi icsambuen tantiacpadequi icsambuec onquec, quepanëdash Esus.

Tantia. Mibitedi chuinu. Mibi chieshënquidobi tantiaquin bëdambuen nashunta. Adembidi: Mitsana bec cho, quesho: Iuecshun aidpadquid ubi meneuata, quenquio icquin meneta. Mimbi adosho issun Nuquin Papan bëdambuen isquin bëdamboshëcquid mibi menendac. Ambi icsambuen naquidobi nashunacpadombuen nashunsho issun mibitedi Nuquin Papan: Cun mado nec. Cun champi nec, caindac.

Nuquin Papan matses abitedi tantiaquin uënësquiocquin nashundedniacpadombuembidi matses abitedi tantiaquin uënësquiocquin nashundedneta, quepanëdash Esus.

Aden chuibanashic Esus: Mibi icsambocquid nec, utsibo cainda. Adesa icsho: Bëdambocquid nec, Nuquin Papan mibi caindac. Adembidi utsibo chieshënquin: Icsambocquid icsho mibi Nuquin Papan cuidtequid nec, cainda. Adenquio icsho Nuquin Papan mibi cuidenquio iquendac. Mibi icsambuen tantiaquin utsin icsambuen nasho isash aidën nabued tantienquio yec bëshunta. Adquid icsho isash mimbi icsambuen nabanaid tantienquio yec Nuquin Papa bëshunendac.

Aden chiashic Esus: Tantia. Umbi chiaid tantiaquid icsho mibitedi chuinu. Mibi chieshënquidobi tantiaquin bëdambuen nashunta. Adembidi mibi icsambuen chuishunquid bëdambuen chuita. Adembidi: Ubi icsambuen chuishunquido bëdambuen ista, papa, quequin Nuquin Papa chianneta.

Adembidi: Utsibon: Ubi nashumpashun, quequin mimbi tantiacpadombuen utsibo tantiaquin nashunta.

Adembidi mibi tancuesquid cuidenquio icquin: Utsiuctsen ubi tancues, cata. Adembidi ampequin min dashcute bedanec cuensho issun: Chiata. Bëntsecquidtsen beduan, cata. Utsibic: Mitsana bec cho, quesho meneta. Adembidi utsin mitsana bedshunac: Badedquio ubi meneuata, cainda.

Adoshombic adembidi Esusën chuiuapanëdash: Cute bëdan bacuë adquiobidi bacuë iquec. Cute icsan bacuë adquiobidi bacuë icuaic.

Chetequid issun cuten dada matsesën tantiec. Aden tantiaquid yec nisanquidën bacuë isash: Dadainën bacuë nec, quetiapimbo matses iquec. Adecbidi echon bacuë isash: Bata nec, quetiapimbo matses icuaic.