Popular Bible Verses from Ducas 2

Share

Nëbimbobi tsusedpa Dabid tishampicnoshon Beden yacnoshon Nuquin Papa yacno iuedanquid Quidistu Nuquin Papan Chomiaid abitedishun Icbombo ictequid tishosh.

Adsho issumbien Nuquin Papabëd icquid chobuedën: Dacuëdenda. Chiaid Bëda matses abitedi cuishoncametequid chuinuec chobique. Dacuëdenquio icquin tantiata. Chuinu.

Nuquin Papa abucquio tabadquid yec bëdamboshë iquec. Nuquin Papan bëdambuen isaido matses ma bëdambuec tabadpanuna, quec cuëdëmpanëdash.

Adnubi bëdambuen tantiaquiec Esus canidopanëdash. Adquid icsho Nuquin Papan bëdambuen isacpadombuembidi matsesëntsen bëdambuen isbededuapanëdash.

Aid tishacno nidshun nadquio icsho mibitedishun istuidendac. Dashcute cuëshcuëshshun dapucaid nëish iuan pete sandoten uesho mimbi istuidendac. Adec bacuëmpi uesho istuidshun: Nuquin Papan Chomiaid Quidistu nec, quequin mimbi tantiendac.

Aden Beden yacnoshon Esus tishnubien aid anoentsëqui tied icquidën nëish iua obeca dadpen dayun uaquin pemequido inchëshën tabadpanëdash. Adec tabadnubien Nuquin Papan budmiac abëd icquid abucuësh budec isadcuennubi Nuquin Papan icmiac abu bëchamauanquiec choquidën abitedi dachëncapanëdash. Adoac obeca pemequido dacuëdcuededquiopanëdash.