Popular Bible Verses from Santiaco 4

Share

Aden chiampid icnuc Nuquin Papan chiacpadombuen nata. Mayan Icsa Satanasën tantiamiacpadombuen nainda. Mimbi aden nainquiocsho isash aidi cuenendac.

Nuquin Papan dayunquio tsadacbimbuecquid icta. Adsho isash Nuquin Papa mibëd iquendac. Min mëdanten icquid bëchish ucacbimbuen icsambuen naid ënta. Nuquin Papa tantiaquid nebi, queshumbi Nuquin Papa tantiesan nacpadombuen nainquio icquin Nuquin Papan chiacpadombuen nabanquid icta.

Icsambocquid nebi, Icbo. Mimbi chiacpadec tabadte bunebi, quiash bëdambuec tabadquid icsho utsibo ismequin: Nëid bëdambocquid nec, caindac.

Aidëmbi nuquitedi tantiaquioquin nashunec. Adquid icnuc Nuquin Papan dada uamiampid nad iquec: Utsibo tantienquio icquin aton nauidtsëqui nasho: Icsambo iquec, caindac Nuquin Papan. Utsimbien atonauidtsëqui tantienquio icquin utsibotsen tantiaquin nashunsho Nuquin Papan bëdambuen isquin nashunendac, quequin chuiquin dada uamepampic.

Bëdambuen nabanquin tantiembi, queshun adombuen nabanenquio icquid icsambuen naquid iquendac.

Icsambuen Abi chiannesho Nuquin Papan mibitedi menetiapimbo iquec: Nashunac abi bunaiduidi naic icsatsiash, queshun.

Chidon aton bënëpen chudmequidbimbuen Nuquin Papa tantiesabo yec icsambuec tabadquido mibitedi nepayoc. Adec tabadquin abi tantiesabon nacpadombuen nadennequid yec Nuquin Papa chieshënquid nec, ¿quequinda mibitedishun tantienquio icpe?

Ma adquid badiadash ictequid tantiesa neyoc. Badiadbudnuc pushudquid cuencuempambo icbuedi badedquio nidacbimbuec mibitedi nibëdanendac.