Popular Bible Verses from Ebedeo 8

Share

Aidon icsambuen naidtedi tantienquio yec bëshunendabi, quequin Nuquin Papan Chiaid utsi nendac.

Nadembidi Nuquin Papan chuipampic: Aden umbi isadaidbo nianondaid tantiaquin naden chiaid chuca aido chiendambi. Umbi: Naden nata, quequin chiaid chuca isadaidbo bëshunenquiocnoc tantiamendambi. Adoac umbi chiacpadombuen nate bunquiendac. Aden tantiamiash aidon: Cun Icbo, quequin cuënaid iquendabi. Adecbidi aido cun matsesquio iquendac.

Adec ubi tantiaquid icsho: Nuquin Papa tantiaquid icta, utsin cainquio iquendac. Nëidtedshun ubi tantiendac. Nëidic amëbëtan anin. Nëidic bacuëbobëtan champibon. Nëidic caniabon. Nëidic tsësiobobëtan machobon. Aidtedshun ubi tantiendac.

Naden nata, caqui umbi chiacpadombuen nauidquid matses icsambuen naisa yantiapimbo icsho issun Nuquin Papan naden chuipampic: Iuecshun umbi: Naden naindambi, quequin chiaid chuca isadaidbobëta Udan tsiuecquido chiendambi.

Tantia. Mibi naden chiombique. Adec Esuquidistu abi tantiaquido abi bëdambuen ismequid tapa yanash Nuquin Papa aton tsadte dapan tsadacnombo pudueduash abitedishun Icbombo yec Aidën dayun abiucquio tsadec.