Popular Bible Verses from Cadasia 3

Share

Abitedishun Moisesën chiampiduidi natiapimbo yec icsambuec tabadsho isash abided cuidadec uënësquin Esuquidistun nuquitedi icsambuen naid bedshunquin bëdambo icmepondash. Naden chuiquin Nuquin Papan dada uamiampid iquec: Cueste napotiaidën dectanmiaid Nuquin Papan cuidaidquio nec, quequin dada uamepampic.

Isadaidbo yec isadaidpembo yec matses iuaido yec matses iuapenquio yec dada yec chido yec quequin Esus tantiaquid icsho bëdambuen isec. Nëbi mibëtan Esuquidistu tantiaquid utsibobëd abentsëc yacbimbuecquido nec.

Adembidi Esus tantiasho ambi Abadauan bëdambuen isampicpadombuen Esuquidistu tantiasho Nuquin Papan nuqui bëdambuen isquin bëdambo icmec ambi Abadauan chiampicpadombuen. Adec Abadauanën tsiuecquido nuqui nec.

Adec matses abitedimbo abi tantiaquido icmenuec uënëspanëdash. Aden ambi Abadauan chiampicpadombuen napampic. Nëbi Esuquidistu tantiasho isadaidpembo ambi chiampicpadombuen bëdambo icmequin aton Mayan menec.

Ambi: Naden nata, quequin Moises chuiquin dada uamiampid nainquio icsho Nuquin Papan bëdambuen istiapimbo iquec. Aden istiapimbo icquin Nuquin Papan naden chuiquin dada uamiampid iquec: Ambi chiacpadombuen naquidquio Nuquin Papa nec, quequin tantiaquioquid Nuquin Papan icsaisabimbuecnuc bëdambuen isquin abëd tabadtequid icmendac, quequin dada uamepampic.