Popular Bible Verses from Codinto 2 9

Share

Utsibo atona menete bunquioquin ambi tantiacted menesho issun Nuquin Papan atona uesadmenquio icquin uditsëc icmeshunendac: Ma utsi utsien nashunquin menebannu, queshun.

Aden chiampid icnuc: Nëidted menembi, quequin ambi tantiactedi menequid. Cudasacbitsëcquien menenquio icquid. Utsin: Nëidted mene, quequin ancac icsambo ictsiash. Menete bunquioquin menesho isash Nuquin Papa: Bëdambo iquec, quendac.

Nuquin Papan Chiaid chuinu. Tantiata. Pete ëshë daëdpactsëc sequidën daëdpactsëc bedquid. Dadpen sequidën dadpen bedquid, quequin chuipampic.

Nuquin Papan namiac tiedën caniquid ëshë abentsëc siaid dadpen yanec. Matsesën petequid adquiecbidi dadpen yanuaic. Adecbidi utsi menequid mibi icsho issun Nuquin Papan mibi dadpen icmeshunec: Ma utsibo tantiaquin dadpen menebannu, queshun. Aden mimbi menebanac aidontsen ambi bedaid musucshun utsibotsen tantiaquin meneuaindac. Ma utsibo atona menequid icnu, queshun Nuquin Papan mibi dadpen icmeshunendac. Adoac mimbi: Ma utsibo menenu, caid ubitedi meniac buanshun menebanac: Bëdambo iquebi, quec tabadec. Adec tabadquin mimbi meniaid tantiaquin: Nuquin Papa bëdambo iquec, quequin mimbi meniaid bedquidon chiendac.

Aden aidon chuinubi naden Nuquin Papa nuqui chiec: Mimbi chomiaid Esuquidistu mibi ubi bëdambuen ismequid bëdamboshë iquec. Aden naquid utsi nibëdec, Papa, quequin nuqui chiannec.