Popular Bible Verses from Tesadonica 1 4

Share

Adashic Esus tantiaquido uënësabi icquidobëd uincuenmiaido tsidadash aidotedi abuctoendac Nuquin Papabëd tabadec nidec. Abitedi abuctoquimbi abi bëquedec Esus chosho istuidendac. Adash Esusbëd Nuquin Papa yacno nidash anobi nuqui quenenendac.

Padenquio icnubien Nuquin Papan namiac Nuquin Papabëd icquidon chuiquid abi yacnouësh choec nuambo cuëdtuidsho tantiendac. Adnubien Nuquin Papan chiacpadombuen abëd icquid utsin nua shoncaindac. Aden shoncanubi Esus abucuësh budnubi Esus tantiec uënësaidotedi abia uincuenendac.

Nuquin Papa bunacpadquiec bëdambuec tabadquido nadquiec tabadquid nendac. Chido utsi chudenquio icquin aton chidouidtsëqui chudquid nendac. Adembidi chidon dada utsi chudmenquio icquin aton bënëuidtsëqui chudmequid nendac. Aden Nuquin Papan Chiaid niaquenquio yec abi bunaid mëmunec dada ambi inaidquio aton chidobëduidtsëqui iquec bëdambuec tabadsho matsesën: Bëdambuec tabadquido nec, canubi Nuquin Papantsen: Bëdambo iquec, caindac.

Uënës uaqui Esus uincuempanëdash, quequin nuquitedi tantiec. Adembidi: Esus tantiaquido yec uënësaido Nuquin Papan uincuenmendac, quequintsen nuquitedi tantiauaic.

Umbi chiondacpadquiec chieshëmënenquio yec bëdambuec tabadta. Utsin icsambuen naiduidi chienquio yec bëdambuec tabadta. Chieshenquio yec dayacquio yec chonoadec tabadta.

Ma icsambuen naic tabadnu ¿queshunda Nuquin Papan Esus tantiaquido nuquitedi icmediac? Padenquio. Ma bëdambuen nabanec tabadnu, queshumbien Esus tantiaquido nuqui icmiaque. Bëdambuec tabadnuna.