Popular Bible Verses from Petedo 1 4

Share

Nëbi mibëtan Esus tantiaquid utsibobëd tantiananquiota. Adec mibëd tantiananquidën mibi icsambuen nashunsho isash adecbidi tantiananquiec aidën icsambuen naid tantienquio yec bëshunendac.

Mibitedi utsi utsien Nuquin Papan ambi tantiamiacpadombuen namiaido icquin mibëtan Esus tantiaquid utsibotsen tantiaquin nashunta.

¿Ada Nuquin Papan ambi Chiaid chuibanquid mibi icmiac? Adquid icmiaid icquin Nuquin Papan Chiaidquio chuibanta. ¿Ada Nuquin Papan mibëtan Esus tantiaquid utsibo nashunquid mibi icmiac? Adquid icmiaid icquin: Nuquin Papan tantiamiacpadombuen utsi nashunquiembi, queshun nashunta. Mimbi adosho isash ma utsibo: Abi namequid Nuquin Papa bëdamboshë iquec. Ambi tantiaid Esuquidistu bëdamboshëcquidbidi yec abitedishun Icbombo nec. Adquid yec nadatiambocquidquio nec, ma quenu, queshun ënenquio icquin tantiata. Amen.

Esus tantiaquid icsho utsibon chieshënquin natiamiaqui chieshtoenda. Dacuëdec chieshtoenquio icquin: Nuquin Papa bëdamboshë iquec. Esus tantiaquid yec bëdambo iquebi, quequin tantiata.

Tantia, mibitedi chuinu. Nuquin Papan abitedi cuidte uëshë nëbi yanec, queshun mimbi icsambuen naid ënash bëdambuec tabadquin ënenquio icquin Nuquin Papa chianneta.

Tantia, cun utsibo. Umbi tantiaido icsho mibitedi chuinu. ¿Atotsi quiash ubi natiametequid icpec? ¿quecta ique? Adquid icnuc natiec chieshtoenda. ¿Mibentsëquida aden natiamepadic? Ma Esus tantiaquid dadpen natiamiaid icpayoc. Esuquidistu chieshënquin natiamenëdacpadombuembidi aid tantiaquido icsho ubitsen natiamec, quiash cuishonqueta. Abi yacno ubi buannuec nadatiambocquid yec Cun Icbo Esus padpidec choec, quiash aidbëd cuishonquequionosh bëdambuec tabadta.

Utsibo mibi yacno isedec chosho issun: Mibi iuedtiapimbo iquebi, quenquio icquin bëdambuen isquin min shubun iuedta.

Nuquin Papan tantiacpaden natiamiac mëyadec Esus tantiaquido ma nadpanuna. Ubi uaquid icquin Nuquin Papan ambi chiampicpadombuen ubi dayun uaquin bëdambuen namec. Aid tantiec bëdambo iquebi, quiash ma bëdambuec tabadpanuna.

Utsibon chieshënquin natiamequin aton dada mëyanaqui Esuquidistu chieshtoenquio icpanëdash. Adembidi mibitedi chieshënquin natiamiac chieshtoenda. Aden mëyanaqui icsambuen nate bunenquio mibi iquendac. Aden mimbi tantiacpadombuen nainquio icquin Nuquin Papan tantiacpaden nate bunquidquio mibitedi iquendac.

Esuquidistu tantiaquid nec, queshun chieshënquin icsambuen chuishunshobi Nuquin Papan mibi bëdambo icmendac. Adoshon Nuquin Papan aton Mayan Bëdamboshëcquid mibëd cuëshëdmenquio icquin tabadmendac.