Popular Bible Verses from Petedo 1 1

Share

Nuquin Papa, Nuquin Icbo Esuquidistun Papa, bëdamboshë iquec, canuna naden tantiaquin: Icsambuen naquido cuidte bunenquio icquin uincuenmequin chuca nuqui icmenuen Nuquin Papan abided cuidadec uënësaid Esus nuqui tantiamiondash. Adoac nuqui naden tantiec: Esuquidistu uënësacsho chococac uincuenash padpidec uënëstiapimbo iquendac. Adembidi Esus tantiec uënësacsho uincuenmeshun Nuquin Papan abi yacno nuqui tabadmendac padpidec uënëstiapimbo icnuc. Ambi chiampicpadombuen bëdamboshë yacno Esusbëdquio ubi tabadmendac. Uënëstequid nibëdec icsabudtequid nibëdec, chodquetequid nibëdec quiacnombo Esusbëdquio abuc ubi tabadmendac, quequin nuqui tantiec.

Umbi aden chuisho tantiash mibitedi cuishonquendac. Esus tantiesabon natiamequin chieshënac natiec shubitiadquio icbuedi mibitedi bëdambo yanendac. Nuquin Papabëd tabadtequid nebi, quec natienquio mibi iquendac. Esus tantiaquid nebi, quequin mimbi tantiaid matses bedte bunaidquio odo caid shocosh bëshpiu bëshpiucquidbimbuecquid nec. Aidquiobida neque. Isnu, queshun icbon cute nëdëncadoshon pichicaquin aid shocosh tauiquin tanec. Adembidi: Esus tantiaquidquiobida neque. Isnu, queshun Nuquin Papan utsi utsien natiamendac. Aden natiamiaqui chieshtoenquio icquin tantiaquid icsho Esuquidistun padpidec choshon: Mibi bëdambocquid neque. Ubëdi tabadec cho, quequin utsibo tantiamequin chuishun abi yacno buanendac.

Mibi tantiamequid icsaisambo Nuquin Papa neque. Aidën chiaid niaquenquio yec bëdambuecshë tabadta. Nuquin Papan naden chuiquin dada uamiampid iquec: Icsaisambo nebique. Mibitedi icsainquio yec bëdambuecshë tabadta.

Ënden Nuquin Papa tantiabenabi yec mibi bunacpaden naic mibitedi icsanëdacpadec icsainda. Nuquin Papan: Cun mado nec. Cun champi nec, caido icquin Aidën chiacpadombuen naic tabadta.

Aden umbi chuibued tantiashun Esus tantiaquido icquin bëdambuen chiaidquio tantiata. Mibi icsate bunacpadec icsainquio yec tabadta. Nuquin Papa bëdamboshëcquid icquin abi yacno tabadmenuen: Bedtan, cac Esuquidistun chouashun abi tantiaquido beduanendac, quequin ënenquio icquin tantiata.

Nuquin Papan chuiquin dada uamiampid nad iquec: Matses abitedi uasimbimbuecquid nec. Adecbidi matsesën: Cunatedi bëdamboshëcquid nec, caidi cute bacuëec bëdambo isadacbimbuecquid nec. Cute bacuëec tuashquiaid bëdamboshë isadbuedi tididiquiash badedquio chodquequid nec. Padnuen Nuquin Papan Chiaid nibëdantiapimbo icquid yec ucudtiapimbo icquid nec, quequin abimbo chuipampic. Aidën Chiaid Bëda Esusën naid mibitedi tantiamequin chuibampanëdash.