Popular Bible Verses from Codinto 1 9

Share

Utsi utsiec tsidadash mamëncuededtequid icnuc: Bëdiactsëc titinquemane, queshun dada icsambo icmiantequid nainquiocquin isuidec tabadec. Mamënquin dëniacsho bëdamboshëcquid meniaid bedte abi bunaid badedquio chodquetequid nec. Padnuen nuquitedi bëdamboshëcquid menetequid chodquetemaidquio bednuec chonoadec Esus tantiaquido nec. Utsien: Bedembi, quenquio yec titinquec. Adecbidi bednu, quenquio yec utsibëd mëdanten senannu, quequin matses nibëdacnobi ambembi uiccacbimbuen mëdanten seded sededec. Ubien aden tantiaquin nabanesa nec. Ma ubi bëdambuen isquin bëdamboshëcquid menenu, queshun nabanquid nebi.

Adquid icquin ambembi naquin ubi bunacpaden nabanenquio iquembi. Ënapen nidec: Padishmane, quiash uidënquio icnuec capuquidquio nebi. Adacbimbuen umbi tantiacpaden chuibanenquio icquin: Ma utsibon tantianu, queshun Esuquidistu uidtsëqui chuibanembi. Chuibanenquiocsho Nuquin Papan bëdamboshëcquid menenquio icnushe, queshun icsambuen nainquio iquembi.

Mibitedishun naden tantiec. Titincametequid icnuc abitedi titinquecuededec abentsëc abia bëyuc choquid icsho issun bëdamboshëcquid menendac. Adquid icnuc nuquitedi titinquequido yacbimbuen: Esuquidistu tantiaquid Nuquin Papan bëdamboshëcquid ubi menetequid iquec, quiash bëdambuec tabadnuna.

Adecbidi Esus bëdambuen tantiabenabictsëcquido yacno nidash aido tabadacpadecbidi tabadobi: Ma Esus tantiabenquiono, quiash. Adecbidi matses utsi utsiec yacnouësh aido tabadacpadecbidi tabadobi: Ma Esuquidistu tantiaquido utsi utsiec yampanu, quiash.