Popular Bible Verses from Codinto 1 1

Share

Adquid icshobi Nuquin Papan tantiamiaido icsho isash dadpen tantiaquido: Ambembi chiec onquequido nec, quequin icsambuen tantiashunchitombi, camenuen dadpen tantiesabobi abi tantiaquido icmiac. Adembidi Nuquin Papan tantiamiaido caic: Chuiquidpenquio nec, quequidobi: Icsambuen tantiashunchitombi, camenuen Nuquin Papan chuiquidpenquiobi abi tantiaquido icmiac.

Esuquidistu abided cuidadec cueste napotiaidën dectanac uënëspanëdash, quequin chuibanac: Ambembi chiec onquequido nec, quequin tantiaquido icsho chian annëdënquiacno nësecatequid nendac. Padnuen: Aid chuibanaid abimbo chiaid nec, quesho Nuquin Papan nadatiambocquin tantiamiac Esus tantiaquid yec Nuquin Papa yacno puduedtequido nuqui nendac.

Adec Esuquidistu abided cuidadec uënësnëdaid chuisho tantiash: Nuquin Papan bëdambuen tantienquio icquin ambembi napanëdash, quequin matsesën tantianubi Nuquin Papa cumapenen tantiaquidquio icnuc adquid matses ictiapimbo iquec. Adecbidi: Nuquin Papa nadatiambocquidpenquio icquin Esus uënësmepanëdash, quequin matsesën tantianubi Nuquin Papa nadatiambocquid icnuc adquid matses ictiapimbo iquec.

Ambi chiampicpadombuen naquidquio Nuquin Papa nec. Aidëmbi aton mado Esuquidistu Nuquin Icbo tantiamequin aidbëd abentsëc yacbimbuecnuc tabadmec.

Tantia, cun utsibo, Nuquin Icbo Esuquidistun namiaid icquin mibitedi chuinu. Mibëtan Esus tantiaquidobëd chieshënnanec cuëshcuëshëdec tabadenda. Adenquio yec Esus tantiaquid utsibobëd tsidadash tabadec: Naden nanuna, quec abentsëcshun tantiacbimbuen tantiec bëdambuec tabadta.

Cumapenen tantiaquid yec dadpen tantiaquin utsibo tantiamequid yec utsi onquesho tantiec utsibëd chuinanquid yec quequid iquequi abi tantiesabo icsho Nuquin Papan: Matsesën tantiaidtedi ambembi chiec onquiaid nec, caindac.