Popular Bible Verses from Roma 13

Share

Ẽg Senhor tỹ Jesus Cristo jykre tãg hã han nĩ. Ẽg tỹ nén to én mũ ẽn han mãn sór tũg nĩ. Ẽg jykre pãno kórég tovãnh kãn nĩ.

Ãjag név kajãm kãn nĩ. Mré hã jagnẽ to há tãvĩ nỹtĩm nĩ gé. Ẽg tỹ jagnẽ to há nỹtĩn kỹ ẽg tóg Topẽ tỹ ẽg jyvẽn mũ ẽn ki króm kãn mũ sir.

Ẽg pã'i ag vỹ nỹtĩ. Kỹ tóg ẽg tỹ ag tỹ ẽg mỹ nén tó mũ ẽn han kỹ há tĩ. Topẽ tỹ ag tỹ pã'i han hã vẽ, ag krĩn kỹ. Ti hã vỹ ũ tỹ tỹ pã'i nĩnh ke to jykrén tĩ'.

Kuty tag tũg ke nẽ ha. Tỹ vaj ke ti nỹ ha. Ti tỹ kãnhmar kãtĩg ke to ken hã vẽ. Hã kỹ vẽjykre kavéj ẽn han mãn sór tũg nĩ. Ẽg tỹ kurã ki nén han tĩ ẽn han nĩ, vẽjykre kuryj ti, ẽg tỹ vẽjykre há han kỹ vẽjykre kórég kato tẽ jé, tỹ tũ' he jé.

Ẽg tỹ ẽg régre kar ki rĩr há nỹtĩn kỹ ẽg tóg ag mỹ nén ũ kórég han ke tũ nĩ. Ẽg tỹ jagnẽ ki rĩr há nỹtĩn kỹ ẽg tóg Topẽ tỹ ẽg jyvẽn ẽn ki króm kãn ke mũ.

Kỹ ãjag név kajãm kãn nĩ, governo mỹ ke gé. Ãjag tỹ pã'i ũ mỹ imposto kajãm ken kỹ ti mỹ ven nĩ, jãnkamy ti. Ãjag pã'i ag kamẽg nĩ, ag mỹ komẽr hã vĩm nĩ.