Popular Bible Verses from Nén Venh Ke 5

Share

Cordeiro ẽn mỹ ag tóg jãn mũ. Jesus jé tag tó ag tóg mũ, ha mẽ. “Ã hã ne livro mãn kỹ ti tógfĩ kygvãg mũ ha'. Ã tén ja ag tóg nĩ, kỹ ã tóg ter kỹ ẽprã ke ag kygjãm, Topẽ mỹ, vẽnh vĩ kar tó tĩ ag kã mĩ, nação kar ag kã mĩ. Povo kar ag kã mĩ ã tóg ũ ag kygjãm ja nĩgtĩ.

Jãnjãn kãn ag tóg mũ gé, jamã há ra. Kỹ ag tóg: “cordeiro tag tén ja ag tóg nĩ. Hã kỹ tóg ũri tỹ ũn mág jẽ,” he mũ. “Tỹ tóg vẽnh kar kri ũn mág jẽ ha. Riko tóg jẽ ha. Ki kanhró tóg jẽ ha. Tar tóg jẽ ha. Vẽnh kar vỹ ti mỹ vĩ há han mũ ha,” he ag tóg, Topẽ tỹ jẽgnẽ jafã ag.

à tỹ ũn kygjãm mũ ag mỹ ã tóg vẽnh rãnhrãj nĩm ja nĩ gé, ag tỹ ã mỹ ã tũ ki rĩr jé, ag tỹ tỹ Topẽ mỹ rãnhrãj tĩ nỹtĩ jé. Kỹ ag tóg ẽprã ke ag kri tỹ ũn mág nỹtĩnh mũ,” he ag tóg, kófa ag, jãnjãn kỹ.

Kỹ vãhã kanhkã tãn kar ag vỹ jãnjãn mũ, jamã há ra, ẽprã ke kar ag ke gé, vẽnh kuprĩg kar ag ke gé, goj ki ke kar ag ke gé. Kỹ ag tóg: “ũ tỹ nĩgja sĩnvĩ kri nĩ ẽn mỹ ẽg tóg vĩ há han ke mũ ha, cordeiro ẽn mỹ ke gé,” he mũ. “Ag pir mỹ ag tóg tỹ ũn mág nỹtĩ. Vẽnh kar kri ke vỹ tỹ ag nỹtĩ. Kỹ ag tóg tũ' henh ke tũ pẽ nĩ,” he ag tóg mũ sir, vẽnh kar pẽ ẽn ag.

Kỹ kófa ag kã ũ tóg inh mỹ: “fỹ tũg ra,” he mũ. “ Davi krẽ'krẽ ag kã ũn pir ẽn tóg mĩg tar ri ke nĩ. Kỹ tóg vẽnh kar tỹ hẽn ri ke ja nĩ. Ẽn vỹ ti tógfĩ tỹ 7 (ke) ẽn kygvãn ki kanhró nĩ. Kỹ tóg livro ki rá ẽn venh ke mũ,” he tóg inh mỹ.