Popular Bible Verses from Hebreu 5

Share

Ẽg tỹ to jykrén há han kỹ ẽg tóg ũn sanh há ri ke nỹtĩ. “Tag vỹ há nĩ, tag vỹ há tũ nĩ. Tag vỹ kuryj nĩ, jãvo tag vỹ kygnẽ kỹ nĩ,” he jé ẽg tóg ke mũ, ẽg tỹ ki kanhrãn há han kỹ.

Ãjag tỹ ũ ag kanhrãn ke vẽ vẽ, ãjag tỹ vãsỹ Topẽ vĩ mẽ ja nỹtĩn kỹ. Hã ra ãjag tóg ver ki kagtĩg nỹtĩ. Ãjag kã ũ tỹ ãjag mỹ Jesus kãmén vén ja ẽn tó mãn kỹ tóg há nỹnh mũ vẽ. Gĩr kãsir ri ke ãjag nỹtĩ, ãjag tỹ Jesus kãme ẽn ki kanhrãn kãn tũ nĩn kỹ ver. Leite hã kron ag tóg tĩ, ag tỹ ver kãsir nỹtĩn kỹ.

Topẽ kósin vỹ tỹ ti nĩ, hã ra tóg ti jagtar tugrĩn Topẽ tỹ nén tó mũ ki kanhrãn kãn ja nĩ, ti tỹ Topẽ vĩ hã han jé. Ti tỹ vẽnh kanhrãn kãn kỹ tóg ẽg kren han ki kanhró nĩ gé sir. Ẽg jagfy tóg ter ja nĩ, kỹ tóg ẽg kren han mũ, ẽg tỹ ti vĩ ki króm kỹ.

Jesus vỹ, ti tỹ ga mĩ tĩg kỹ jagtar nĩn kỹ Topẽ mỹ to vĩ', to vĩ' he ja nĩgtĩ, ti tỹ ti kren han jé, ti ter tũ nĩ jé. Kỹ tóg fỹ gé, Topẽ mré vẽmén kỹ. Vẽsỹrénh jagy han tóg. Kỹ Topẽ vỹ ti vĩ jẽmẽ ja nĩ, ti tỹ ti mỹ to vĩn kỹ.