Popular Bible Verses from Han Kãme 17

Share

Vẽnh kar hynhan tóg, ẽg tỹ ti to há nỹtĩ jé, ẽg tỹ ti ki kanhró nỹtĩ jé. Ti pijé kuvar gy nĩ'. Kakó ti nĩ.

Kỹ tóg vẽnh kyvénh pir tỹ ẽprã ke kar hynhan, nação kar, ga kar mĩ mũ ag. Tỹ ẽg vẽnh kyvénh pir nỹtĩ. Kỹ tóg ẽg mỹ ẽg mur ke kurã nĩm mũ gé, ẽg ter ke kurã ti ke gé. Ẽg mỹ tóg ẽg jamã nĩm mũ gé, Topẽ ti.

Topẽ ẽn vỹ mundo kar han, mĩ mũ kar ke gé. Kanhkã tãn vẽ mỹr, kỹ tóg tỹ ga to pã'i nĩ gé. Hã kỹ tóg ẽg tỹ ti ĩn han krẽm nĩ tũ nĩgtĩ.

Kurã nĩm tóg huri, kỹ tóg kurã ẽn ki ẽprã ke jykre kar tugnỹm ke mũ. Ũn pir kuprẽg tóg, ti tỹ ti jagfy ẽg kar jykre tugnỹm jé. Ẽn tóg ter ja nĩ, hã ra Topẽ tóg ti rĩn mãn ja nĩ, ẽg tỹ ti ki kanhkó nỹtĩ jé,” he tóg, Paulo ti.

Ẽg tỹ tỹ ti krẽ nỹtĩn kỹ ẽg tóg ti ki kanhró nỹtĩ gé. Ouro ri ke tũ ti nĩ. Ti pijé prata ri ke nĩ'. Ti pijé pó ri ke nĩ'. Ti pijé tỹ vẽnh kãgrá nĩ'. Ẽprã ke tỹ nén to jykrén mũ ri ke tũ ti nĩ. Topẽ vẽ, Topẽ,” he tóg, Paulo ti.