Popular Bible Verses from 2 Corinto 9

Share

Kỹ Topẽ tóg ãjag mỹ nén vin mág han ke mũ gé, kurã kar ki, nén ũ tỹ ãjag mỹ tũ' he tũ nĩ jé. Kỹ ãjag tóg, ãjag tũ mág nĩn kỹ ũ jagãgtãn', ũ jagãgtãn' henh ke mũ sir.

Kỹ ãjag tỹ nén to jykrén mũ ẽn hã vin nĩ, ãjag tỹ Jerusalém ra jẽnẽ jé. Mỹ sér nỹtĩm nĩ, ãjag tỹ ẽg mré ke ag jagãgtãn to. Kỹ tóg Topẽ mỹ há tĩnh mũ sir. Ũ tỹ ge to tóg há tãvĩ nĩ.

Kỹ sóg: “ũ tỹ nén fy pir krãn kỹ tóg pin kỹ génh ke mũ gé. Ũ tỹ krãn mág mũ ẽn hã tóg génh mág han ke mũ gé sir,” he tĩ.

Ha vé, Topẽ ne ẽg mỹ nén ũ kar fy vin mũ', ẽg tỹ krãn jé. Kỹ tóg ẽg mỹ ẽmĩ han jafã nĩm mũ gé, ẽg tỹ ko jé. Kỹ tóg ãjag mỹ ãjag tỹ tỹ ũ jagãgtãn ke mũ ẽn ven mũ gé. Kỹ tóg nén ũ fy ri ke nĩ. Kanẽ há ri ke han jé tóg ke mũ gé, ãjag tỹ vẽjykre kuryj tag han kỹ, hã vỹ: jagnẽ jagãgtãn, he mũ. Tag ki ãjag tóg riko nỹtĩnh ke mũ, ãjag tỹ vẽnh kar jagãgtãn kỹ. Kỹ ũn e ag tóg ẽg tugrĩn Topẽ to vĩ há han ke mũ.

Topẽ ne ẽg mỹ nén ũ há tãvĩ vin tĩ mỹr'. Pijé kaja nĩ'. Ẽg jé ti mỹ to vĩ há han.