Popular Bible Verses from 1 Timóteo 1

Share

Tag vỹ tỹ vẽnh vĩ há nĩ, ha mẽ. Kỹ vẽnh kar tỹ tag to há nỹtĩ ran jé há tĩ vẽ, hã vỹ: “Jesus Cristo vỹ ga kri mur, ti tỹ Topẽ vĩ mranh tĩ ag krenkren han jé,” he mũ. Ti vĩ mranh tĩ ag kar kórég kãfór vỹ tỹ inh nĩ.

Hã kỹ tóg inh jagãgtãn ja nĩ gé. Jesus Cristo tỹ vẽnh kar mỹ ven sór vẽ, ti tỹ Topẽ vĩ mranh tĩ ag jagãgtãn sór mũ ti. Kỹ vẽnh kar tóg inh ve kỹ Topẽ tỹ ag to há nĩ ki kanhró nỹtĩnh mũ. Vẽnh kar vỹ ẽg rĩr krỹg ja tũ venh ke mũ, ẽg tỹ ti ki ge kỹ.

Ẽg tỹ Topẽ jykre han kỹ ẽg tóg jagnẽ to há tãvĩ nỹtĩ, ẽg fe tỹ. Kỹ ẽg tóg jagnẽ mré vẽjykre pir han tĩ gé. Ti ki rã há han jé ẽg tóg ke mũ gé.

Topẽ hã ne ti pir mỹ tỹ pã'i mág nĩ'. Ti tỹ nén kar han to hã tóg nĩ nĩ. Kỹ tóg ter ke tũ nĩ gé. Ti vég tũ ẽg tóg nĩgtĩ. Ti pir mỹ tóg tỹ Topẽ nĩ. Kỹ ẽg tóg ti hã mỹ vĩ há han ke mũ. Ti mỹ vĩ há han ke tag tóg tũ' henh ke tũ nĩ gé. Hã vẽ.

Topẽ pijé ũ tỹ ti vĩ ki króm mũ ag tugrĩn ẽg jyvẽn ja nĩgtĩ'. Ũ tỹ vẽjykre pãno han mũ ag tugrĩn ke vẽ. Ũ tỹ ge ag vỹ ag panh mré ag mỹnh fi tén tĩ. Jagnẽ kãgtén ag tóg tĩ, ag prũ tũ fag mré ag tóg nỹ tĩ, fag mén tũ ag mré, jagnẽ mỹ ag tóg ón tĩ, jagnẽ to ag tóg ón tĩ gé. Vẽjykre pãno kar han ag tóg tĩ. Topẽ tỹ nén ũ to: “kórég ti nĩ,” he mũ ẽn han kãn ag tóg tĩ.