Popular Bible Verses from 1 Corinto 3

Share

Ha mẽ, Topẽ ĩn ri ke ẽg nỹtĩ, Topẽ kuprĩg tỹ ẽg kã kã jẽn kỹ. Ãjag mỹ tag ki kagtĩg? Ki kagtĩg nỹtĩ ve ãjag nĩ.

Ðn tỹ kri jẽ jafã ri ke ẽn vỹ pir nĩ, hã vỹ: Jesus Cristo, he mũ, hã kỹ sóg ãjag mỹ ti kãmén há han. Ũ venh ke tũ ẽg tóg nĩ.

Hã kỹ ũ tỹ krãn mũ pijé tỹ ũn mág nĩ'. Ũ tỹ ki gónh mũ pijé tỹ ũn mág nĩ gé'. Pir ti nĩ, ũn mág ti, hã vỹ: Topẽ, he mũ, ũ tỹ ẽg mog han mũ ẽn ti.

Topẽ hã mré ẽg tóg rãnhrãj mũgtĩ. Topẽ japỹ ri ke ãjag nỹtĩ. Kỹ ãjag tóg ti tỹ ĩn han mũ ri ke nỹtĩ gé.

Kurã tỹ ẽgno kã ẽg tóg ẽg rãnhrãj jykre venh ke mũ, hã vỹ: ẽg tỹ ũ mỹ ti vĩ kãmén há han ja ti, he mũ. Pĩ vỹ ẽg rãnhrãj kókén ke mũ, kỹ ẽg tóg pĩ ki ẽg rãnhrãj jykre venh ke mũ.

Ũ tỹ krãn mũ vỹ ũ tỹ ki gónh mũ ẽn ri ke nĩ. Kanhkã tá ẽg tóg ẽg rãnhrãj kaja venh ke mũ. Sỹ krãn ja kaja ve jé sóg ke mũ, jãvo tóg ti tỹ ki gónh ja kaja venh ke mũ gé.

Kygnẽ tũg nĩ. Vẽso: “ki kanhró mág inh nĩ,” he tũg nĩ. Ãjag tỹ ẽprã ki kanhró mág nỹtĩn kỹ to: “nén ũ tũ vẽ,” hem nĩ, ãjag tỹ Topẽ jykre hã ki kanhrãn jé.