Popular Bible Verses from Romanos 14

Share

Lix cuanquilal li Dios incꞌaꞌ nakatau riqꞌuin cꞌaꞌru nakatzaca chi moco riqꞌuin li cꞌaꞌru nakucꞌ; natauman ban riqꞌuin li ti̱quilal, li tuktu̱quil usilal ut li sahil chꞌo̱lejil li naxqꞌue ke li Santil Musikꞌej. Joꞌcan nak li ani nacꞌanjelac chiru li Cristo saꞌ ti̱quilal ut chi sa saꞌ xchꞌo̱l, li Dios nasahoꞌ xchꞌo̱l riqꞌuin. Ut naqꞌueheꞌ ajcuiꞌ xlokꞌal xbaneb li ras ri̱tzꞌin.

Nak yoꞌyo̱co nakaqꞌue xlokꞌal li Ka̱cuaꞌ Dios riqꞌuin li kayuꞌam. Ut nak nococam, nakaqꞌue ajcuiꞌ xlokꞌal riqꞌuin li kacamic. Joꞌcan ut cui yoꞌyo̱co ut cui nococam aꞌ yal re li Dios saꞌ kabe̱n xban nak aꞌan chic laj e̱chal ke.

Joꞌcan nak chikaqꞌuehak kachꞌo̱l chi cua̱nc saꞌ tuktu̱quil usilal riqꞌuineb li kas ki̱tzꞌin. Ut chikatenkꞌa kib chi kibil kib re nak toqꞌui̱k saꞌ li kapa̱ba̱l.

Chikacanabak xcuechꞌinquil kib chi kibil kib ut chikaba̱nu li us re nak li kech aj pa̱banelil incꞌaꞌ teꞌchꞌina̱nk xchꞌo̱leb saꞌ lix pa̱ba̱leb chi moco teꞌoc cuiꞌchic chi ma̱cobc kaban.

Tzꞌi̱banbil saꞌ li Santil Hu li quixye li Dios: Relic chi ya̱l ninye e̱re nak chixjunileb teꞌxcuikꞌib rib chicuu ut tineꞌxlokꞌoni ut chixjunileb teꞌxye riqꞌuin xtzꞌu̱mal re nak la̱in li tzꞌakal Dios. () Joꞌcan nak chikajunilo toxkakꞌaxtesi li kayehom kaba̱nuhom chiru li Dios.

Checꞌulakeb chi sa saꞌ e̱chꞌo̱l li toj kꞌuneb xchꞌo̱l saꞌ lix pa̱ba̱leb ut me̱cuechꞌi rix lix cꞌaꞌuxeb.

La̱at incꞌaꞌ naru nacatrakoc a̱tin saꞌ xbe̱n lix mo̱s la̱ cuas a̱cui̱tzꞌin. Aꞌ lix patrón ta̱yehok re ma us malaj incꞌaꞌ us li yo̱ chixba̱nunquil. Joꞌcan nak li nimajcual Dios aꞌan nataklan re li junju̱nk ut aꞌan nayehoc reheb ma us malaj incꞌaꞌ us li yo̱queb chixba̱nunquil. Ut li Dios ta̱tenkꞌa̱nk reheb chixba̱nunquil li us.