Popular Bible Verses from San Marcos 9

Share

Li Jesús quixye: —¿Cꞌaꞌut nak nacaye “cui naru”? ¿Ma incꞌaꞌ nacanau nak cui nacatpa̱ban chixjunil naru xba̱nunquil? chan.

Saꞌ junpa̱t quia̱tinac lix yucuaꞌ li al ut quixye chi cau, —La̱in ninpa̱b. China̱tenkꞌa re nak tinpa̱b chi tzꞌakal.

Nak qui-oc li Jesús saꞌ cab xjunes rochbeneb lix tzolom, queꞌxpatzꞌ re: —¿Cꞌaꞌut nak incꞌaꞌ xoru la̱o chirisinquil li ma̱us aj musikꞌej? chanqueb. Ut li Jesús quixye reheb: —Caꞌaj cuiꞌ riqꞌuin ayu̱n ut riqꞌuin tijoc naru risinquil li ma̱us aj musikꞌej aꞌin.

Cha̱bil li atzꞌam, abanan cui na-osoꞌ lix quiꞌal ma̱cꞌaꞌ chic na-oc cuiꞌ. Joꞌcan ajcuiꞌ la̱ex chicua̱nk e̱cha̱bilal ut cua̱nkex saꞌ usilal chi ribil e̱rib.

—Li ani naxqꞌue xlokꞌal li toj kꞌun xchꞌo̱l joꞌ li chꞌina al aꞌin saꞌ incꞌabaꞌ la̱in, naxqꞌue ajcuiꞌ inlokꞌal la̱in. Ut ma̱cuaꞌ caꞌaj cuiꞌ la̱in naxqꞌue inlokꞌal. Naxqꞌue aj ban cuiꞌ xlokꞌal li Dios li quitaklan chak cue.

Li ani ta̱qꞌuehok jun secꞌak haꞌ e̱re saꞌ incꞌabaꞌ la̱in xban nak la̱ex cualal incꞌajol, relic chi ya̱l tinye e̱re nak tixcꞌul lix kꞌajca̱munquil.

—Li ani ta̱poꞌok xchꞌo̱leb li toj kꞌuneb xchꞌo̱l, us raj xcutbal saꞌ li palau chi bacꞌbo junak nimla pec chi xcux.

Cui li xnakꞌ a̱cuu ta̱qꞌuehok a̱cue chi ma̱cobc, us raj cui ta̱cuisi. Mas us nak tat-oc saꞌ xnimajcual cuanquilal li Dios riqꞌuin jun li xnakꞌ a̱cuu chiru nak tatxic saꞌ li xbalba riqꞌuin cuib xnakꞌ a̱cuu.