Popular Bible Verses from San Marcos 5

Share

Li Jesús quixye re: —Kanaꞌ, xban nak xapa̱b nak cuan incuanquil cha̱qꞌuirtesinquil, joꞌcan nak xatqꞌuira. Ayu chi sa saꞌ a̱chꞌo̱l ut chi ma̱cꞌaꞌ chic a̱raylal, chan.

Saꞌ xya̱nkeb cuan jun li ixk cablaju chihab xticlajic xyajel. Junelic yo̱ lix yajel li ixk aꞌan ut incꞌaꞌ chic natzꞌap lix quiqꞌuel. Quixqꞌue rib chi banecꞌ riqꞌuin nabaleb aj banonel ut nabal li raylal quixcꞌul. Abanan ma̱ jokꞌe queꞌxban. Caꞌaj cuiꞌ quixsach chixjunil li cꞌaꞌru cuan re, re xtojbaleb. Ut ma̱cꞌaꞌ qui-oc cuiꞌ. Nima̱nc ban chic naxba̱nu lix yajel.

Ut nak quixchꞌeꞌ li rakꞌ saꞌ junpa̱t quiqꞌuira, ut quitzꞌap lix quiqꞌuel. Ut li ixk quirecꞌa nak ma̱cꞌaꞌ chic xyajel.

Quixchap chi rukꞌ li camenak ut quixye re saꞌ li ra̱tinoba̱l: —Talita, cumi, chan. Li a̱tin aꞌan naraj naxye, “At chꞌina xkaꞌal, la̱in tinyehok a̱cue cuaclin”.

Nak toj yo̱ chi a̱tinac li Jesús, queꞌchal lix comoneb laj Jairo saꞌ rochoch chixyebal re, —Xcam la̱ rabin. ¿Cꞌaꞌ chic ru aj e nak ta̱chꞌiꞌchꞌiꞌi laj tzolonel? chanqueb. Nak quirabi li Jesús li cꞌaꞌru yo̱queb chixyebal re laj Jairo, quixye re: —Matcꞌoxlac. Caꞌaj cuiꞌ ta̱pa̱b nak ta̱qꞌuira̱k la̱ rabin, chan.

Quixye chi joꞌcan xban nak ac yo̱ li Jesús chixyebal re li ma̱us aj musikꞌej: —Elen riqꞌuin li cui̱nk aꞌin, at ma̱us aj musikꞌej.— Tojoꞌnak li Jesús quixpatzꞌ re: —¿Ani a̱cꞌabaꞌ? chan. —Cuakib mil (6,000) incꞌabaꞌ xban nak nabalo, chan nak quichakꞌoc.