Popular Bible Verses from San Mateo 7

Share

Nak ta̱paltok cꞌaꞌru e̱re, chextzꞌa̱ma̱nk chiru li Dios ut aꞌan tixqꞌue e̱re; chesicꞌak ut te̱tau, chebokak ut li puerta ta̱tehekꞌ che̱ru.

Cheba̱nu aꞌan xban nak li ani natzꞌa̱man chiru li Dios naqꞌueheꞌ re. Li ani naxsicꞌ, naxtau. Ut li ani nabokoc, li puerta nateheꞌ chiru.

Joꞌcan nak yalak ani ta̱abi̱nk reheb li cua̱tin aꞌin ut cui tixba̱nu li cꞌaꞌru xinye, li jun aꞌan tinjuntakꞌe̱ta riqꞌuin li cui̱nk cuan xnaꞌleb li quixyi̱b li rochoch saꞌ xbe̱n pec.

Joꞌcan nak li cꞌaꞌru nequeraj la̱ex nak teꞌxba̱nu raj le̱ ras e̱ri̱tzꞌin, cheba̱nuhak la̱ex reheb aꞌan, xban nak aꞌan aꞌin xya̱lal li chakꞌrab li quiqꞌueheꞌ re laj Moisés, ut aꞌan ajcuiꞌ lix ya̱lal lix yehomeb li profeta.

Abanan li oqueba̱l ut li be li naxic saꞌ li junelic yuꞌam, aꞌan caꞌchꞌin ru ut incꞌaꞌ qꞌuiheb li nequeꞌoc aran.

Chex-oc saꞌ li oqueba̱l li caꞌchꞌin ru xban nak nim ru li oqueba̱l ut nim ru li be li naxic saꞌ li tojba ma̱c ut nabaleb li nequeꞌxic aran.

Cui la̱ex li moco cha̱bilex ta nequenau xqꞌuebal li cꞌaꞌru cha̱bil re le̱ ralal e̱cꞌajol, ¿ma tojaꞌ ta chic le̱ Yucuaꞌ li cuan saꞌ choxa incꞌaꞌ tixqꞌue li kꞌaxal cha̱bil re li ani tixtzꞌa̱ma chiru?

Ma̱ ani te̱tzꞌil a̱tin chirix re nak incꞌaꞌ ta̱tzꞌilekꞌ a̱tin che̱rix la̱ex. Xban nak chanru nak nequextzꞌiloc a̱tin, joꞌcan ajcuiꞌ ta̱uxk e̱re la̱ex. Ut riqꞌuin li bisleb li nequexbisoc cuiꞌ, riqꞌuin ajcuiꞌ aꞌan texbisekꞌ la̱ex.

Ut yalak ani ta̱abi̱nk re li cua̱tin ut incꞌaꞌ tixba̱nu li cꞌaꞌru xinye, li jun aꞌan tinjuntakꞌe̱ta riqꞌuin li cui̱nk li ma̱cꞌaꞌ xnaꞌleb. Incꞌaꞌ quixyi̱b li rochoch chi cha̱bil. Yal saꞌ xbe̱n samaib quixqꞌue.

¿Cꞌaꞌut nak nacaqꞌue retal li cꞌaj cheꞌ cuan saꞌ xnakꞌ ru la̱ cuas a̱cui̱tzꞌin ut incꞌaꞌ nacacuil li tzꞌamba cuan saꞌ xnakꞌ a̱cuu la̱at? ¿Chanru nak ta̱ye re la̱ cuas a̱cui̱tzꞌin: “Cuisihak li cꞌaj cheꞌ saꞌ xnakꞌ a̱cuu”, ut toj cuan li tzꞌamba saꞌ xnakꞌ a̱cuu la̱at?

Chenauhak xcolbal e̱rib chiruheb li profeta aj balakꞌ. Chanchan nak cha̱bileb joꞌ li carner nak nequeꞌcꞌutun. Abanan moco ya̱l ta. Chanchaneb li joskꞌ aj xoj nak nequeꞌchal chi balakꞌi̱nc. Yal riqꞌuin lix naꞌlebeb te̱nau ruheb. La̱ex nequeqꞌue retal nak li qꞌuix incꞌaꞌ naru̱chin li uva ut li tun qꞌuix incꞌaꞌ naru̱chin li higo.

Joꞌcan nak li cha̱bil cheꞌ, cha̱bil ajcuiꞌ li ru naxqꞌue. Ut li cheꞌ li incꞌaꞌ us, incꞌaꞌ ajcuiꞌ us li ru naxqꞌue.

Li cha̱bil cheꞌ incꞌaꞌ naru naru̱chin li incꞌaꞌ us, chi moco li cheꞌ incꞌaꞌ us naru̱chin li cha̱bil.

Chixjunil li cheꞌ li incꞌaꞌ cha̱bil li ru naxqꞌue nayocꞌman ut naqꞌueman saꞌ xam.