Popular Bible Verses from San Mateo 5

Share

Chi moco nalochman junak candil re xqꞌuebal rubel junak chacach. Naqꞌueman ban saꞌ xbe̱n xnaꞌaj candil re nak tixcutanobresi saꞌ li cab li cuanqueb cuiꞌ chixjunileb. Joꞌcan ajcuiꞌ la̱ex. La̱ex lix cutan saken li ruchichꞌochꞌ. Chicꞌutu̱nk biꞌ le̱ cha̱bilal chiruheb le̱ ras e̱ri̱tzꞌin re nak eb aꞌan teꞌxqꞌue retal li us nequeba̱nu ut teꞌxqꞌue xlokꞌal le̱ Yucuaꞌ li cuan saꞌ choxa.

La̱ex aj pa̱banel, la̱ex lix cutan saken li ruchichꞌochꞌ. Junak tenamit cuan saꞌ xbe̱n junak tzu̱l ma̱ jaruj naru xmukbal.

Us xak reheb li ti̱queb xchꞌo̱l xban nak eb aꞌan teꞌril ru li Dios.

Us xak reheb li teꞌraj ru xba̱nunquil li ti̱quilal. Chanchan li teꞌtzꞌoca̱k ut teꞌchakik re. Us xak reheb xban nak li Dios ta̱tenkꞌa̱nk reheb chixba̱nunquil li us.

Abanan la̱in tinye e̱re, cherahak li xicꞌ na-iloc e̱re. Chetzꞌa̱ma usilal saꞌ xbe̱neb li nequeꞌhoboc e̱re. Cheba̱nuhak li us reheb li xicꞌ nequeꞌiloc e̱re ut chextijok chirix li nequeꞌba̱nun ma̱usilal e̱re ut nequeꞌrahobtesin e̱re.

—Us xak reheb li nequeꞌrecꞌa nak cubenak xcuanquileb xban nak eb aꞌan cua̱nkeb chic rubel lix nimajcual cuanquilal li Dios.

Us xak reheb li nequeꞌxtenkꞌa ras ri̱tzꞌin chi cua̱nc saꞌ tuktu̱quil usilal xban nak eb aꞌan ralal xcꞌajol li Dios teꞌyehekꞌ reheb.

Us xak reheb li nequeꞌya̱bac xban xrahileb xchꞌo̱l xban nak eb aꞌan ta̱cꞌojoba̱k xchꞌo̱leb.

Us xak reheb li nequeꞌrahobtesi̱c saꞌ xcꞌabaꞌ li ti̱quilal, xban nak eb aꞌan cua̱nkeb chic rubel lix cuanquilal li Dios.

Us xak reheb li nequeꞌuxta̱nan u xban nak eb aꞌan teꞌuxta̱na̱k ruheb xban li Dios.

Us xak e̱re nak texhobekꞌ ut texrahobtesi̱k saꞌ incꞌabaꞌ ut ta̱yehekꞌ e̱re cꞌaꞌak re ru chi ma̱usilal chi yal ticꞌtiꞌ. Mirahoꞌ e̱chꞌo̱l. Chisahokꞌ ban e̱chꞌo̱l riqꞌuin li cꞌaꞌru ta̱uxk e̱re xban nak kꞌaxal nim le̱ kꞌajca̱munquil ta̱qꞌuehekꞌ e̱re saꞌ choxa. Moco caꞌaj cuiꞌ ta la̱ex yo̱quex chi cꞌuluc re li raylal. Joꞌcan aj ban cuiꞌ queꞌxcꞌul li profeta li queꞌcuan junxil.

Us xak reheb li tu̱laneb xban nak eb aꞌan teꞌe̱chani̱nk re li naꞌajej li yechiꞌinbil reheb xban li Dios.

La̱ex aj pa̱banel chanchanex li atzꞌam li nacꞌanjelac arin saꞌ ruchichꞌochꞌ. Cui ta li atzꞌam ta̱sachk xquiꞌal, ¿cꞌaꞌ ta raj chic ru ta̱oc cuiꞌ? Ma̱cꞌaꞌ chic ta̱oc cuiꞌ. Yal re tzꞌekecꞌ aj chic ut re yekꞌi̱c.

Ti̱cak biꞌ e̱chꞌo̱l joꞌ le̱ Yucuaꞌ li cuan saꞌ li choxa ti̱c xchꞌo̱l.

Joꞌcaꞌin ban te̱ba̱nu. Cui te̱ye nak ya̱l, junes ya̱l te̱ye. Ut cui te̱ye nak incꞌaꞌ, junes incꞌaꞌ te̱ye. Cui te̱qꞌue xtzꞌakob li a̱tin aꞌan, li naꞌleb aꞌan riqꞌuin laj tza nachal.

E̱rabiom resil nak quiyeheꞌ chi joꞌcaꞌin najter: Cui ani ta̱risi xnakꞌ a̱cuu, ta̱isi̱k ajcuiꞌ li xnakꞌ ru aꞌan. Cui ani ta̱risi li ruch a̱cue, ta̱isi̱k ajcuiꞌ li re aꞌan. Abanan la̱in tinye e̱re: Me̱sume ma̱usilal riqꞌuin ma̱usilal. Cui junak tixqꞌue junak rukꞌ saꞌ a̱cuu, qꞌue cuiꞌchic chixsacꞌ li jun pacꞌal.

Le̱ najter naꞌleb tento te̱canab chi junaj cua. Li cꞌaꞌak re ru ta̱qꞌuehok e̱re chi ma̱cobc, te̱tzꞌekta̱na. Cui li xnakꞌ la̱ cuu li cuan saꞌ a̱nim naqꞌuehoc a̱cue chi ma̱cobc, us raj nak ta̱cuisi ut ta̱tzꞌek. Kꞌaxal us nak ta̱sachk li xnakꞌ a̱cuu chiru nak tatxic la̱at saꞌ xbalba. Cui la̱ nim ukꞌ naqꞌuehoc a̱cue chi ma̱cobc, us raj cui ta̱yocꞌ ut ta̱tzꞌek. Kꞌaxal us nak ta̱sachk la̱ cuukꞌ chiru nak tatxic la̱at saꞌ xbalba.