Popular Bible Verses from Lamentaciones 1

Share

Tokꞌob xak ru li tenamit Jerusalén. Ma̱cꞌaꞌ chic cuan chi saꞌ. Nimla tenamit nak quicuan, abanan anakcuan chanchan aj chic jun xma̱lcaꞌan xcana. Junxil li tenamit Jerusalén kꞌaxal nim saꞌ xya̱nkeb chixjunileb li tenamit ut aꞌan nataklan saꞌ xbe̱neb. Abanan anakcuan aꞌan chic li natakla̱c.

Cꞌajoꞌ nak nequeꞌya̱bac chiru kꞌojyi̱n li cuanqueb Jerusalén. Li xyaꞌal ruheb natꞌululnac saꞌ xnakꞌ ruheb. Saꞌ xya̱nkeb chixjunileb li nequeꞌrahoc reheb, ma̱ ani naru nacꞌojoban re xchꞌo̱leb. Xeꞌtzꞌekta̱na̱c xbaneb li rami̱gueb nak queꞌcuan ut xicꞌ chic nequeꞌileꞌ.

At Ka̱cuaꞌ, at kaDios, chaqꞌue taxak retal li raylal li yo̱co chixcꞌulbal. Ta̱qꞌue taxak retal lix rahil li kachꞌo̱l. Cꞌajoꞌ nak nayotꞌeꞌ li kachꞌo̱l xban li ma̱c xkaba̱nu. Saꞌ eb li be yo̱queb chi camsi̱c li kalal kacꞌajol ut yo̱queb ajcuiꞌ chi ca̱mc saꞌ li kochoch.