Popular Bible Verses from Hebreos 8

Share

Tincuy lix ma̱queb ut ma̱ jun cua chic tincꞌoxla lix ma̱usilaleb, chan li Dios. ()

Aꞌin li contrato tinba̱nu riqꞌuineb reheb laj Israel. Ta̱cuulak xkꞌehil nak tinqꞌue lin chakꞌrab saꞌ lix cꞌaꞌuxeb ut tinqꞌue ajcuiꞌ saꞌ li ra̱meb. La̱inak lix Dios ut aꞌanakeb lin tenamit.

Incꞌaꞌ chic teꞌxchꞌolob xya̱lal chicuix chiruheb li ras ri̱tzꞌin xban nak chi cocꞌ chi ni̱nk teꞌxnau chic anihin.

Aban li Dios quiril nak incꞌaꞌ us yo̱queb chixba̱nunquil li tenamit li cuanqueb rubel xcuanquil li xbe̱n contrato. Joꞌcan nak quixye reheb li tzꞌi̱banbil saꞌ li Santil Hu: Ta̱cuulak xkꞌehil nak tinba̱nu junak chic li acꞌ contrato riqꞌuineb li tenamit Israel ut Judá.

Aꞌan aꞌin xya̱lal li yo̱co chixyebal e̱re: ya̱l nak cuan jun tzꞌakal xyucuaꞌil aj tij nacꞌanjelac chikix. Aꞌan li Jesucristo li cꞌojcꞌo chak saꞌ xnim ukꞌ li Dios saꞌ lix nimajcual xcuanquilal saꞌ choxa.