Popular Bible Verses from Ezequiel 33

Share

Ta̱ye reheb nak li Ka̱cuaꞌ xye chi joꞌcaꞌin: Yoꞌyo̱quin la̱in li nimajcual Dios. La̱in incꞌaꞌ nacuaj nak texca̱mk saꞌ le̱ ma̱c. Nacuaj ban nak te̱jal e̱naꞌleb ut te̱canab xba̱nunquil li ma̱usilal ut ta̱cua̱nk e̱yuꞌam. Ex aj Israel, canabomak xba̱nunquil li ma̱usilal. ¿Cꞌaꞌut nak te̱qꞌue e̱rib chi ca̱mc xban le̱ ma̱c?

Li Ka̱cuaꞌ quixye cue: —Anakcuan, at ralal cui̱nk, yo̱quin cha̱xakabanquil chokꞌ aj ilol reheb li ralal xcꞌajol laj Israel. Chaqꞌue retal chixjunil li cꞌaꞌru tinye a̱cue, ut ta̱ye aꞌan reheb.

Abanan cui ta̱ye re nak incꞌaꞌ us yo̱, ut aꞌan incꞌaꞌ na-abin cha̱cuu, li jun aꞌan ta̱ca̱mk. Abanan lix camic incꞌaꞌ ta̱cana̱k saꞌ a̱be̱n.

Cui laj ilol re li tenamit ta̱ril nak yo̱keb chi cha̱lc li xicꞌ nequeꞌiloc reheb ut incꞌaꞌ tixya̱basi lix trompeta, eb li tenamit teꞌcamsi̱k xbaneb, ut laj ilol re li tenamit, aꞌan cuan xma̱c xban nak ma̱cꞌaꞌ xba̱nu re xcolbaleb.

Lix camic ta̱cana̱k saꞌ xbe̱n aꞌan xban nak xrabi xya̱b li trompeta, ut ma̱cꞌaꞌ quixba̱nu. Aban li ta̱abi̱nk tixcol lix yuꞌam.