Popular Bible Verses from Éxodo 31

Share

—Abi. La̱in xinsicꞌ ru laj Bezaleel saꞌ xya̱nkeb li ralal xcꞌajol laj Judá. Laj Bezaleel, aꞌan li ralal laj Uri ut laj Uri, aꞌan li ralal laj Hur. La̱in xinqꞌue lin musikꞌ re ut xinqꞌue xnaꞌleb re xjolominquil li cꞌanjel aꞌin. Cuan xnaꞌleb ut naxnau xcꞌoxlanquil chanru tixyi̱b chixjunil chi cha̱bil. Naxnau xcꞌanjelanquil chi cha̱bil li oro, plata ut bronce. Ut naxnau xcꞌoxlanquil chanru tixqꞌue xsahob ru li cꞌaꞌru tixyi̱b. Naxnau xyi̱banquil chi cha̱bil li terto̱quil pec ut naxnau ajcuiꞌ xyi̱banquil chi cha̱bil li cheꞌ. Naxnau xcꞌoxlanquil chanru tixba̱nu yalak cꞌaꞌru chi cꞌanjelil.

—Ta̱ye aꞌin reheb laj Israel, “Che-oxlokꞌi li hiloba̱l cutan ut cheba̱nu li cꞌaꞌru xinye e̱re. Cui la̱ex te̱ba̱nu li cꞌaꞌru xinye e̱re, aꞌan ta̱cꞌanjelak chokꞌ retalil chicuu joꞌ ajcuiꞌ che̱ru la̱ex nak la̱in li Ka̱cuaꞌ Dios ut la̱ex sicꞌbil e̱ru inban. Ta̱cꞌanjelak ajcuiꞌ chokꞌ retalil chiruheb le̱ ralal e̱cꞌajol.

Aꞌan retalil chicuu la̱in joꞌ ajcuiꞌ che̱ru la̱ex aj Israel xban nak chiru cuakib cutan xinyi̱b li choxa joꞌ ajcuiꞌ li ruchichꞌochꞌ. Saꞌ xcuak li cutan la̱in xinrak lin cꞌanjel ut saꞌ xcuuk li cutan xinhilan, chan li Dios re laj Moisés.