Popular Bible Verses from 2 Corintios 4

Share

Incꞌaꞌ nakaqꞌue kachꞌo̱l chirix li cuan arin saꞌ ruchichꞌochꞌ, li na-ilman ru. Nakaqꞌue ban kachꞌo̱l chirix li cuan aran saꞌ choxa, li incꞌaꞌ na-ilman ru. Li cꞌaꞌru na-ilman ru nalaj na-osoꞌ. Abanan li incꞌaꞌ na-ilman ru cuan chi junelic.

Joꞌcan nak incꞌaꞌ nachꞌinan kachꞌo̱l. Li katibel yo̱ chi lajc, yo̱ chi osocꞌ. Abanan li ka̱m acꞌobresinbil rajlal cutan xban li Dios. Li raylal li nakacꞌul arin saꞌ ruchichꞌochꞌ, aꞌan junpa̱t ajcuiꞌ ut nakacuy xnumsinquil. Li raylal nakacꞌul, yo̱ chikacauresinquil re jun li kalokꞌal ma̱cꞌaꞌ joꞌ xchakꞌal ru ut ta̱cua̱nk chi junelic.

Qꞌuila pa̱y chi raylal nachal saꞌ kabe̱n, abanan nakacuy xnumsinquil. Cuan nak incꞌaꞌ nakatau ru li yo̱co chixcꞌulbal abanan incꞌaꞌ nachꞌinan kachꞌo̱l. Nocorahobtesi̱c, abanan li Dios incꞌaꞌ nocoxcanab kajunes. Cuan nak nocoeꞌxsacꞌ xban nak nequeꞌraj kacamsinquil. Abanan li Dios nacoloc ke chiruheb.

La̱o chanchano li chꞌochꞌ ucꞌal li naxocman cuiꞌ li terto xtzꞌak. La̱o yal tzꞌejcualo. Abanan li Dios naxcutanobresi li kacꞌaꞌux re nak ta̱cꞌutu̱nk nak lix nimajcual cuanquilal li Dios li cuan kiqꞌuin, moco ke ta. Re ban li Dios.

Incꞌaꞌ nequeꞌxtau ru xban nak laj tza naramoc re lix ya̱lal chiruheb li incꞌaꞌ nequeꞌpa̱ban. Naxba̱nu aꞌan re nak incꞌaꞌ teꞌxtau ru lix ya̱lal li colba-ib li nacꞌutuc chiku lix lokꞌal li Cristo, ut lix lokꞌal li Dios.

Nak toj kꞌojyi̱n chak ru li ruchichꞌochꞌ, li Dios quixye, “Chicua̱nk li cutan re xcutanobresinquil ru li ruchichꞌochꞌ.” Ut aꞌan ajcuiꞌ li nacutanobresin re li kacꞌaꞌux re nak naru takanau chanru lix lokꞌal li Dios. Ut li Jesucristo naxcꞌut chiku lix lokꞌal li Dios.