Popular Bible Verses from 1 Corintios 3

Share

¿Ma incꞌaꞌ ta biꞌ nequenau nak la̱ex rochochex li Dios? ¿Ma incꞌaꞌ ta biꞌ nequenau nak li Santil Musikꞌej cuan e̱riqꞌuin?

Tixqꞌue retal chanru lix cꞌanjel xban nak ac qꞌuebil lix cimiento li cab. Ut ma̱ ani naru tixqꞌue junak chic li cimiento chiru li ac qꞌuebil. Ut aꞌan li Ka̱cuaꞌ Jesucristo.

Joꞌcan nak chi moco laj acuinel chi moco laj tꞌakresinel cuan xcuanquil. Caꞌaj cuiꞌ li Dios li naqꞌuehoc xmokic cuan xcuanquil.

La̱o kech aj cꞌanjelil kib chiru li Dios. Ut la̱ex chanchanex li chꞌochꞌ li nakacꞌanjela ru. Ut li Dios aꞌan laj e̱chal re li chꞌochꞌ. Ut chanchanex ajcuiꞌ jun li cab yo̱co chixyi̱banquil ut li Dios, aꞌan laj e̱chal re li cab aꞌan.

Lix cꞌanjel li junju̱nk ta̱cꞌutu̱nk nak tol-e̱lk cuiꞌchic li Ka̱cuaꞌ Jesucristo chi rakoc a̱tin. Chanchan nak ta̱numsi̱k saꞌ xam lix cꞌanjel naxba̱nu re rilbal ma ta̱osokꞌ malaj incꞌaꞌ.

Laj acuinel ut laj tꞌakresinel juntakꞌe̱teb xcuanquil chiru li Dios ut chi xju̱nkaleb teꞌxcꞌul xkꞌajca̱munquil aꞌ ya̱l chanru lix cꞌanjeleb.

Ma̱ ani taxak tixbalakꞌi rib xjunes. Cui cuan junak saꞌ e̱ya̱nk narecꞌa nak cuan xnaꞌleb saꞌ li ruchichꞌochꞌ aꞌin, chixcubsihak rib ut tixba̱nu joꞌ li ma̱cꞌaꞌ naxnau re nak tixtau xnaꞌleb chi tzꞌakal.