Popular Bible Verses from Loma 2

Share

Oloni yove musamba wange, ulinga vyuma vije uhisila vakweni! Wayongola ngwove wasa kuputumuka kuhisa kwa Njambi ndi? Nambe ulinakuyeluwisa ngozi yendi yakama na kulongwa kwendi nakusimpa kwendi. Mwa vushunga uzivuka ngwove Njambi wakala na ngozi, omwo alinakweseka kukutwamenena ngeci utenguluke.

Ngecivene, yove musamba wange, kuma ukahisa vakweni ndi? Kuli yove kukwesi kusamba embwe, nameme vene yove iya. Omwo nga uhisa vakweni, co ulinga vyuma vije vivalinga vakevo, ulinakulihisa yove vavenya.

Omwo Njambi akahisi munu woshe na seteko imo.

Omwo kesi akuziva lika Lishiko ngeci vanu vavapwisa vaka-vushunga kuli Njambi embwe, oloni akulinga mwaya Lishiko.

Omwo Njambi akaana cikandelela kuli munu na munu kupwisa ku vipangi vyendi vije vyanalingi.

Oloni vamo vanu valizema vakevo vavenya nakuvyana vya vushunga, ngeci vakave vije vya kupenga-penga, co Njambi akamwesa vukalu vwendi na matoto endi ali vakevo.

Oloni yove uli na mbunge yakukola nakukaluwa, co ulinakulingisa cihiso cove vavenya ngeci cipwe cakama manene a Litangwa lije omo vukalu vwa Njambi nakusompa kwendi kwa vushunga vikasholoka.