Popular Bible Verses from Mateo 27

Share

Omo kwetile maola atatu, co Yesu watambekele na lijwi lyakama ngwendi, “Eloi, Eloi, lama sambakatani?” Kulumbununa ngwavo, “Njambi yange, Njambi yange, vikajo unanjisezela?”

Asinoni nanga ije yakele nakujenjela mu Njuvo ya Shukulu Kalunga yatavukile akati, kutunda kwilu nakweta asi. Co asi ajajele na mamanya atavukile, vimbumbo lalo vyashokolokele, co vaka-kujela vavangi vaje valalele muje vasangukile.

Co Yesu watambekele na lijwi lyakama, co wecelele mwonyo wendi.

Omo uje mukulunu wa mashwalale na mashwalale vaje vakele amo nendi nakunyunga Yesu, vamwene mandunduma, na vyuma vyeka vije vyalingiwile, vazivile lyova manene, co vendekele ngwavo, “Mwa vushunga kuma wapwile Muna Njambi!”

Kushangumuka akati ka mutwe, kwakele lisusulungu mu lifuti lyoshe, a maola atatu.

Pilato wavehwile ngwendi, “Vikoni njikalinga na Yesu ou ivatumbula Kilistu?” Co voshe vatambekele ngwavo, “Mushukike a cilindakano!” Oloni Pilato wavehwile lalo ngwendi, “Mulonga ukajo wanalingi?” Oloni vatambekele manene ngwavo, “Vamushukike!”