Popular Bible Verses from Yoshwa 1

Share

Anuka vinjinakushiki ngeci ukolese nakusimpa! Kesi uzive lyova nambe kujujuka, omwo yange Kalunga Njambi yove, njili amo nove kwoshe kuukaya.”

Livulu eli lya Mashiko lilave kutambekela simbu yoshe omo mukunguluka. Co lilongeselyo mutanya na vutsiki, ngeci wononoke vyuma vyoshe vije vivasonekamo. Co ukavezika nakukala mwamuvwa mukuyoya kwove.

Oloni kolesa lika nakusimpa manene, unyunge mashiko oshe aje akushikile ngamba yange Mosesa. Kesi ukalimbulule nambe litambelo limo, ngeci ukavezike mwamuvwa kwoshe kuje kuukaya.

Naumo wai akakufungulula matangwa oshe akuyoya kwove. Simbu yoshe njikakala amo nove ngwe munjakele na Mosesa, kunjikakuseze ngoco, nambe kukukengesa nima embwe.

Kolesa nakusimpa omwo yove ukapwa ntwama ya vanu ava, ngeci vakashwane lifuti lije njalisingile na vakukulwila vavo kuvanalyo.

Mutambela woshe umukalyata myanja yeni njinamyanawo ngwe munjalekele Mosesa.

“Ngamba yange Mosesa natsi, ngecivene, ololo livwaese, katuka yove na vanu va Isalele voshe, ngeci mujavuke Ndonga ya Yondau muye mu lifuti lije linjikavana.

Omo Mosesa ngamba ya Shukulu Kalunga natsi laja, Shukulu Kalunga wendekele kuli Yoshwa muna Nune mukwasi wa Mosesa ngwendi

Vinginga vyeni vikatunda mu mambo ku mbwela nakweta ku Minkinda ya Lembanone ku kunto, nakutunda ku Ndonga ya Yufuleti mu ngangela kutuvakana lifuti lya vaHiti, nakweta ku Lishali lya Menditelenyani mu kangombe ka yambi.

Munu woshe uje akavyana kushika kwove nambe kujeneka kwononoka mashiko ove vakamutsiye. Kolesa lika nakusimpa!”

kwita mu cilombo nakwendeka kuli vanu va Isalele ngwavo, “Vwaeseni vyakulya, indele mukajavuka Ndonga ya Yondau nakukovela mu lifuti lije lyakamyana Shukulu Kalunga Njambi yeni ngeci mulishwane.”