Popular Bible Verses from Yowano 21

Share

Omo vanalyaula laja, Yesu wendekele kuli Simoni Petulu ngwendi, “Simoni muna Yowano, wanjizema kutuvakana ava ndi?” Petulu wakumbulwile ngwendi, “Eyo Mwene, uzivuka ngeci njakuzema.” Yesu wendekele kuli ikeye ngwendi, “Nyunga vana va vimanga vange.” Yesu wendekele simbu yamucivali ngwendi, “Simoni muna Yowano, wanjizema ndi?” Petulu wakumbulwile ngwendi, “Eyo Mwene, uzivuka ngeci njakuzema.” Yesu wendekele kuli ikeye ngwendi, “Nyunga vimanga vange.” Yesu wendekele simbu yamucitatu ngwendi, “Simoni muna Yowano, wanjizema ndi?” Petulu wakele na vusiwa omwo Yesu wamwihwile simbu yamucitatu ngwendi, “Wanjizema ndi?” Co Petulu wendekele kuli ikeye ngwendi, “Mwene yove uzivuka vyuma vyoshe, uzivuka ngeci njakuzema!” Yesu wendekele kuli ikeye ngwendi, “Nyunga vimanga vange.

Mwa vushunga njikuleka ngwange, omo wapwile mukwenje, walivwaesele nakuya kwoshe kuwashakele, oloni omo unakuluvala, ukolola mavoko ove, co weka akakukuta nakukutwala kuje kuwashakele kuya.”

Wendekele kuli vakevo ngwendi, “Teni linimbwa lyeni ku mutambela wacilyo ca vwato, co mukwata visi.” Ngecivene, vatele linimbwa, co kuvasele kukoka lalo linimbwa, omwo atsile visi vavangi.

Simoni Petulu wendekele kuli vakwavo ngwendi, “Njiya nakuta visi.” Vakwavo vamulekele ngwavo, “Netu tuya nove.” Ngecivene, vaile mu vwato, oloni vutsiki vwoshe vuje naumo isi ivakwatele wai.