Popular Bible Verses from Kutuuka 3

Share

Njambi wendekele kuli Mosesa ngwendi, “Yange Ou Njapwa Munjapwa. Omu mukemwo muukendeka navo ngwove, ‘Njapwa, ikeye nanjitumu kuli yeni.’ ”

Njambi wamukumbulwile ngwendi, “Yange njikakala amo nove, co eci cikapwa cizivukiso kuli yove ngeci yange njakutumu. Omo ukatundisa vanu vaIsalele mu Ingito, co mukanjilemesa a munkinda uno vene.”

Njambi wendekele ngwendi, “Kesi ushwenye kuyehi. Tundisa vin̄aku vyove, omwo oo awunemana anapu a livu lyakujela.”

Asinoni Shukulu Kalunga wendekele ngwendi, “Mwa vushunga, njinamono tuyando twa vanu vange muvali nakuvapangesela mu Ingito. Njazivi valinakulila ngeci vavapatule ku vundungo vwa vaje valinakuvayandesa. Njamono a tuyando twavo twoshe. Ngecivene, njinaija mukuvapatula ku livoko lya vaka-Ingito, nakuvatundisa mu lifuti eli lya Ingito nakuvatwala mu lifuti lyalivwa nevi vyakujenekamo vyai, muje ololo mucili vaKanana, na vaHiti, na vaAmoli, na vaPelezi, na vaHivi, na vaNjevushi.

Kangelo ka Shukulu Kalunga washolokele kuli ikeye mu cifwa ca mulangi wa tuhya uje washolokele mukati ka liputa. Co Mosesa wamwene liputa lilinakushukuma, oloni kulyenyele.

Ngecivene, ololo ya, njilinakukutuma kuli mwene wa Ingito ngeci ukatundise vanu vange vaIsalele mu lifuti lyendi.”