Popular Bible Verses from Kwituluka mu Mashiko 28

Share

“Nga mwononoka Shukulu Kalunga Njambi yeni nakunyunga mashiko endi oshe awa njilinakumyanawo ku litangwa lya lelo, co Shukulu Kalunga Njambi akamipwisa muyati wakama wa nzili kutuvakana miyati yoshe ya ano asi.

Ononokeni Shukulu Kalunga Njambi yeni ngeci vivezikiso vyoshe evi vikapwe vyeni.

Co Shukulu Kalunga Njambi yeni akamipwisa vantwama akati ka miyati ya vanu, kumukapu vakumanesela embwe. Simbu yoshe mukalinga mwamuvwa kumukonwa nga mwononoka mashiko a Shukulu Kalunga Njambi yeni, awa njilinakumishikawo ku litangwa lya lelo, anyungeni nakuwapangesa.

Co Shukulu Kalunga akanyokesa nyonzi a simbu ya ndombo, co akavezikisa vipangi vyeni vyoshe, ngecivene, mukakumwisa miyati yaingi, oloni yeni kumukakumuna ku muyati umo.

“Shukulu Kalunga akafungulula vitozi veni omo vakamilwisa. Vakamilwisila ku mutambela umolika, oloni vakevo vakatewela mu mitambela yoshe.

“Shukulu Kalunga Njambi yeni akavezikisa vipangi vyeni nakushulisa vishete vyeni na vimbuto. Akamivezikisa mu lifuti lije lyakamyana.

“Shukulu Kalunga akamivezikisa mu vyoshe vimukalinga.

“Shukulu Kalunga akavezikisa vinganda vyeni na mahya eni.

“Shukulu Kalunga akamivezikisa nakumyana vana vavangi, na vimbuto vyavingi, amo na vingombe na vimanga vavangi.

“Nga mwononoka Shukulu Kalunga Njambi yeni nakulinga vyoshe vije vyamishika, co ikeye akamipwisa vanu vendi, ngwe mwalisingile.

“Shukulu Kalunga akavezikisa vimbuto vyeni na vyakulya vikatunda ku vimbuto vije.

Shukulu Kalunga akamyana vana vavangi, na vimuna vavangi, na vimbuto vyavingi mu lifuti lije walisingile na vakukulwila veni kumyanalyo.

Co vaka-mafuti oshe a ano asi vakamona ngeci Shukulu Kalunga wamyangwile kupwa vanu vendi, co vakamizivila lyova.

Kesi mutunde ku mashiko awa njinamyana ku litangwa lya lelo, kumwapandele kukenga noku-noku, nambe kulemesa nakupangela vinjambi veka.

“Oloni nga kumwononoka Shukulu Kalunga Njambi yeni nakunyunga mashiko endi oshe awa njinamyana ku litangwa lya lelo, visingo evi vyoshe vikalingiwa ali yeni.