Popular Bible Verses from Kwituluka mu Mashiko 11

Share

Mukaalongesa kuli vana veni, nakuwasimutwiya kuli vakevo omo muli mu vinjuvo vyeni, nambe omo mulinakwenda mu ngila, nambe omo mulinakuhwima, nambe omo mulinakupanga.

“Ngecivene, mukanyunga majwi ange awa mu vimbunge vyeni na mu mwonyo weni. Mukaakutiiya a mavoko eni, nakuwazala a maholo eni kupwa canukiso.

“Ngecivene, mukononoka mashiko ange awa anjilinakumishika ku litangwa lya lelo. Mukazema Shukulu Kalunga Njambi yeni nakumupangela na vimbunge vyeni vyoshe, na mwonyo weni woshe. Nga mulingamo, co akanyokesa nyonzi mu lifuti lyeni a simbu yayo, nyonzi ya musanda na ya likuvula-shoke, ngeci mukateje vimbuto vyeni, co mukakala na vinyu vyaviha, na mazi a olive.

“Ngecivene, mukazema Shukulu Kalunga Njambi yeni, nakunyunga kushika kwendi, na vizilika vyendi, na vilongesa vyendi, na mashiko endi simbu yoshe.

“Litangwa lya lelo njimyana vyuma vivali, civezikiso na cisingo ngeci mwangule. Mukavezika nga mwononoka mashiko a Shukulu Kalunga Njambi yeni, awa anjilinakumishika ku litangwa lya lelo. Oloni vakamisinga, nga kumwononoka mashiko a Shukulu Kalunga Njambi yeni, nakutengulukila kweka nakulemesa vinjambi veka vaje kumwalemesele laja.

Mukawasoneka a vipamba vya vikolo vya vinjuvo vyeni na a vi kolo vyeni. Co yeni na vana veni mukayoya simbu yakama mu lifuti lije Shukulu Kalunga Njambi yeni walikulaesele kulyana kuli vakukulwila veni. Co mukayoya myaka yoshe muje ngwe omo lilu lyakala akamwa ya asi.

Nyanyameni kutewa vimbunge vyeni vikongumukila kweka kutunda kuli Shukulu Kalunga mukulemesa nakupangela vinjambi veka.